संगणक

अनुक्रमणिका

*बनवा फेक मॅगझीन कव्हर्स *कॉम्प्युटर व्हायरस *कॉम्प्युटर व्हायरसचं काम चालतं कसं? *कॉम्प्युटर स्लो झाल्यास रिस्टार्ट करायचे टाळा. *काही चांगल्या websites *सहज काहीतरी सापडलं म्हणून *मोबाईलद्वारे बनवा स्वत:ची वेबसाईट *ईमेल चे वर्गीकरण करा *नको असलेले ईमेल फिल्टर करा *चुकून पाठवलेला ईमेल लगेच undo करा *मराठी पुस्तकांचे सर्वांत मोठे ऑनलाईन दुकान *सब्स्क्राईब म्हणजे काय? *आपला मेल हॅक होवू शकतो

*लॅपटॉपची काळजी कशी घ्याल? *बरह बिनधास्त लिहा मराठीत! *फायरफॉक्‍स *कॉम्प्यूटर डेटा सुरक्षित ठेवण्यासाठी काही टिप्स *जीमेल - आणखी काही करामती *लाइव्ह सीडी *डाऊनलोड मॅनेजर *टीप्स आणि ट्रीक्स *फायरवॉल! *तुमच्या पर्सनॅलिटीचा आरसा:रिझ्युम *वाय-फाय म्हणजे काय? *ऑनलाइन शॉपिंग फण्डा *तुमचे ट्विट्स चित्ररूपात दाखवा.

बनवा फेक मॅगझीन कव्हर्स

महाजालावर MagMyPic.com नावाची एक वेबसाईट आहे ज्याच्या मदतीने तुम्ही पण फेक मॅगझीनकव्हर्स बनवु शकता. कव्हर वर हवा असलेला एकफोटो या साईटवर जाउन अपलोड करायचा, तुम्हाला हवे असलेले डिझाईन वर जाउन क्लिक करायचेआणि पिक्चर सेव्ह करायचे, बस्स झाले तुमचे स्वतःचे मॅगझीन कव्हर तयार.

साधारण पणे ३० विवीध प्रकारचे कव्हर्स उपलब्ध आहेत. चला तर मग, बनवा स्वतःचे फेक मॅगझीन कव्हर आणि हो, तुमच्या कव्हर ची लिंक मला पाठवायला विसरु नका.

......

कॉम्प्युटर व्हायरस

कॉम्प्युटर हाताळताना अचानक व्हायरस येण्याची नेहमी शक्यता असते. हा व्हायरस कॉम्प्यूटरमध्ये सुरक्षित केलेल्या फाइल्स करप्ट करतो. त्यामुळे आपल्या कॉम्प्युटरला धोका निर्माण होण्याची शक्यता असते.
एखादा प्रोजेक्ट तयार करण्यासाठी कॉम्प्युटरवर प्रोग्राम बनविलेला असतो. यामध्ये जावा, सी लँग्वेज, एक्सेल, डॉट नेट इत्यादी प्रोग्राम्स असतात. या प्रोग्राममध्ये सूचनांचा संच असतो. ( उदाहरणार्थ दुकानदाराचे बिल बुक छापणे, ग्रीटींग कार्ड इत्यादी.) अशा प्रकारच्या प्रोग्राममध्ये काही जण व्हायरस सोडतात.
व्हायरस सोडणार्‍या लोकांना कॉम्प्युटरची सखोल माहिती असते. त्यामुळे आपल्याला कोणत्या प्रोग्रामवर हल्ला करायचा हे लोकांना निश्चित करता येते. व्हायरसमुळे तयार असलेल्या फाइल्स एकापाठोपाठ नष्ट होऊ लागतात.
व्हायरसचे प्रकारव्हायरसचा पहिला प्रकार म्हणजे 'कम्पॅनियन व्हायरस'. हा व्हायरस चांगल्या प्रोग्रामला खराब करत नाही. त्यामुळे प्रोग्राम सुरक्षित राहतो. परंतु, दुसरा व्हायरस एखाद्या चांगल्या प्रोग्राममध्ये बिघाड करतो. उदा. आपण 'विंडोज' मध्ये एखाद्या प्रोग्रॅमच्या नावावर किंवा आयकॉनवर डबल क्लिक केलं तर आपल्याला हवा असणारा मूळ प्रोग्रॅम सुरू होण्याऐवजी हा व्हायरसचा प्रोग्रॅमच नकळत सुरू होतो आणि त्याचा कार्यभाग उरकून मूळ प्रोग्रॅमकडे पुन्हा सूत्र देऊन टाकतो.
व्हायरसचा दुसरा प्रकार म्हणजे 'एक्झिक्युटेबल प्रोग्रॅम व्हायरस'. हा व्हायरस प्रोग्रामला सर्वात जास्त धोकादायक असतो. तो आपल्या कॉम्प्युटरच्या डिस्कवरील सर्व 'डिरेक्टरीज' सलग वाचत राहतो. प्रत्येक डिरेक्टरीत त्याला जी एक्झिक्युटेबल (म्हणजे आपण तिच्या नावावर डबल क्लिक केलं की तिचं काम सुरू होतं अशी ) फाइल दिसेल अशा प्रत्येक फाइलमध्ये प्रवेश करण्याचं तो मुख्य काम करतो. हा व्हायरस मूळ एक्झिक्युटेबल फाइल पूर्णपणे नष्ट करून टकातो.
तिसर्‍या प्रकारचा व्हायरस म्हणजे 'मेमरी रेसिडेंट व्हायरस'. या व्हायरसने एकदा आपल्या कॉम्प्यूटरमध्ये प्रवेश केल्यास तो नेहमी जागृतावस्थेत असतो म्हणून त्याला 'मेमरी रेसिडेंट' व्हायरस असे म्हणतात. पहिल्या दोन प्रकारातील व्हायरस डिस्कवरच्या फाइल्स आणि प्रोग्रॅम्सवर हल्ला करत असतो. जेव्हा आपण त्या फाइल्स उघडायला जाऊ तेव्हा तो व्हायरस जागृत होऊन आपलं काम साधतो.
पण 'मेमरी रेसिडंट व्हायरस' मात्र सदैव आपल्या कृतींचा कानोसा घेऊन त्यांच्यापैकी काहींचा स्वत: कडे ताबा घेतो. उदा. आपल्या की बोर्डवरची कळ दाबली की अक्षर पडद्यावर उमटायला पाहिजे पण की कीबोर्डशी संबंधित 'मेमरी रेसिडेंट व्हायरस' आपल्या कॉम्प्युटरमध्ये घुसला तर तो कीबोर्डचं नियंत्रण स्वत: कडे घेतो आणि ते अक्षर पडद्यावर उमटण्याऐवजी दुसरचं काहीतरी करेल.

...... 

 कम्प्युटर व्हायरसचं काम चालतं कसं?

व्हायरस लिहिणा - या लोकांना कम्प्युटर कसा चालतो याची बरीच सखोल माहिती असावी लागते . कारण त्यातूनच कम्प्युटरमधल्या कुठल्या बाबींवर हल्ला करता येईल , हे ठरवता येतं . व्हायरसचं मुख्य उद्दिष्ट हे दुस - या , आधी व्यवस्थित चालणा - या ' निष्पाप ' प्रोग्रॅमला बिघडवून त्याच्याकडून चित्रविचित्र प्रकार घडवून घेणं हे असतं
कम्प्युटरकडून अनेक प्रकारची कामं करून घेण्यासाठी प्रोग्रॅमर मंडळी जावा , सीशार्प , वगैरे भाषांमध्ये ' प्रोग्रॅम्स ' लिहीत असतात . एखादा प्रोग्रॅम म्हणजे सूचनांचा संच . सर्वसामान्यत : असे प्रोग्रॅम्स लिहिण्यामागचा मंडळींचा हेतू विधायक असतो . ( उदाहरणार्थ पगारपत्रिका तयार करणं , बिलं छापणं वगैरे .) पण तंत्रज्ञानाचा वापर विध्वंसक वृत्तीनं करणारी काही मंडळी सर्वत्र असतातच . अशी प्रोग्रॅमर मंडळी व्हायरसेसचे प्रोग्रॅम्स लिहितात .
व्हायरस लिहिणा - या लोकांना कम्प्युटर कसा चालतो याची बरीच सखोल माहिती असावी लागते . कारण त्यातूनच कम्प्युटरमधल्या कुठल्या बाबींवर हल्ला करता येईल , हे ठरवता येतं . व्हायरसचं मुख्य उद्दिष्ट हे दुस - या , आधी व्यवस्थित चालणा - या ' निष्पाप ' प्रोग्रॅमला बिघडवून त्याच्याकडून चित्रविचित्र प्रकार घडवून घेणं हे असतं . म्हणजे व्यवस्थितपणे पगारपत्रिका तयार करणारा एखादा प्रोग्रॅम अचानकपणे व्हायरसच्या हल्ल्यानंतर फाइल्स डिलिट करू लागतो , वगैरे . तर हल्लेखोर त्यासाठी आधी आपल्या कम्प्युटरवरच्या एखाद्या व्यवस्थित चालणा - या प्रोग्रॅममध्ये व्हायरसचा प्रोग्रॅम घुसवून टाकतो . हे समजून घेण्यासाठी आपण एक उदाहरण घेऊ .
समजा आपल्या पगारपत्रिका तयार करण्याच्या प्रोग्रॅममधल्या पहिल्या तीन सूचना अशा आहेत :
पगाराविषयीची माहिती साठवलेली फाइल उघड .
प्रत्येक कर्मचा - याचं रेकॉर्ड वाच .
त्या कर्मचा - याचा एकूण पगार खालील गणितांनी ठरव , वगैरे .
यानंतर प्रत्यक्ष आकडेमोडी , पगारपत्रिका छापणं , इत्यादिसाठीच्या सूचना या प्रोग्रॅममध्ये असतील . आता समजा हल्लेखोरानं या प्रोग्रॅमचं काम बिघडवायचं ठरवलं , तर काय होईल ? तो कदाचित आपल्या मुळच्या प्रोग्रॅमच्या दुस - या सूचनेत बदल करून तिला प्रत्येक कर्मचा - याचं रेकॉर्ड वाचण्याऐवजी व्हायरस ( प्रोग्रॅम ) मधल्या सूचना आधी अंमलात आणायला सांगेल . त्या व्हायरसमधल्या लिहिलेल्या गोष्टी मग घडू लागतील . उदाहरणार्थ , डिस्कवरच्या फाइल्स उडवणं किंवा किंवा कम्प्युटरच्या पडद्यावर चित्रविचित्र आकृत्या नाचवणं वगैरे . मग हा धुडगूस घालून झाला की व्हायरस पुन्हा आपल्या मुळच्या प्रोग्रॅममधल्या मुळच्या सूचनेकडे नियंत्रण देऊन टाकेल . आणि कदाचित पगारपत्रिका व्यवस्थित छापल्या जातीलही !
आता एखादा चांगला प्रोग्रॅम व्हायरसनं बिघडवून टाकला की तो प्रोग्रॅम ई - मेलनं दुस - या अनेक कम्प्युटर्सवर पोहोचतो . कधी तो हल्लेखोरानं जाणूनबुजून फॉरवर्ड केलेला असतो . तर कधी व्हायरसच ई - मेल्सच्या माध्यमातून स्वत : ला पसरवू शकतो .
व्हायरसेसचे अनेक प्रकार असतात . त्यांच्यामधला पहिला म्हणजे ' कम्पॅनियन व्हायरस '. हा खरं म्हणजे चांगल्या प्रोग्रॅम्सना हात लावत नाही . त्यामुळे चांगल्या प्रोग्रॅम्समध्ये बिघाड होणं वगैरे प्रकार इथं घडत नाहीत . पण त्याऐवजी हा व्हायरस दुस - या एखाद्या चांगल्या प्रोग्रॅम्सच्या ठिकाणी स्वत : च आपलं घोडं दामटतो . ते कसं ? तर जेव्हा आपण ' विंडोज ' मध्ये एखाद्या प्रोग्रॅमच्या नावावर किंवा आयकॉनवर डबलक्लिक केलं तर आपल्याला हवा असणारा मूळ प्रोग्रॅम सुरू होण्याऐवजी हा व्हायरसचा प्रोग्रॅमच आपल्या नकळत सुरू होतो आणि त्याचा कार्यभाग उरकून मूळ प्रोग्रॅमकडे पुन्हा सूत्र देऊन टाकतो .
व्हायरसेसचा दुसरा प्रकार म्हणजे ' एक्झिक्युटेबल प्रोग्रॅम व्हायरस '. या प्रकारातला प्रोग्रॅम जास्त घातक असतो . तो आपल्या कम्प्युटरच्या डिस्कवरच्या सगळ्या ' डिरेक्टरीज ' एकापाठोपाठ एक वाचत सुटतो . प्रत्येक डिरेक्टरीत त्याला जी जी एक्झिक्युटेबल ( म्हणजे आपण तिच्या नावावर डबलक्लिक केलं की तिचं काम सुरू होतं अशी ) फाइल दिसेल अशा प्रत्येक फाइलमध्ये घुसणं हे त्याचं मुख्य काम असतं . हा व्हायरस चक्क मूळ एक्झिक्युटेबल फाइल पूर्णपणे पुसून त्याठिकाणी आपला प्रोग्रॅम लिहिण्यापासून तसं न करता त्याच्यामध्ये कुठूनतरी आपल्याकडे नियंत्रण मिळवणं आणि नंतर परत मूळ प्रोग्रॅमकडे सूत्र देणं असे अनेक प्रकार करू शकतो .
तिस - या प्रकारचा व्हायरस म्हणजे ' मेमरी रेसिडेंट व्हायरस '. या प्रकारचा व्हायरस हा एकदा का आपल्या कम्प्युटरमध्ये घुसला की सदैव जागृतावस्थेतच असतो म्हणून त्याला ' मेमरी रेसिडेंट ' किंवा कम्प्युटरच्या मेमरीत राहणारा व्हायरस असे म्हणतात . आधीच्या दोन प्रकारांमधले व्हायरस डिस्कवरच्या फाइल्स आणि प्रोग्रॅम्सवर हल्ला चढवत असल्यानं जेव्हा आपण त्या फाइल्स उघडायला जाऊ तेव्हा तो व्हायरस जागृत होऊन आपलं काम साधतो . पण ' मेमरी रेसिडंट व्हायरस ' मात्र सदैव आपल्या कृतींचा कानोसा घेऊन त्यांच्यापैकी काहींचा स्वत : कडेच ताबा घेतो . उदाहरणार्थ आपल्या कीबोर्डवरची की दाबली की खरं म्हणजे ते अक्षर पडद्यावर उमटलं पाहिजे . पण जर कीबोर्डशी संबंधित ' मेमरी रेसिडेंट व्हायरस ' आपल्या कम्प्युटरमध्ये घुसला तर तो कीबोर्डचं नियंत्रण स्वत : कडे घेईल आणि ते अक्षर पडद्यावर उमटण्याऐवजी भलतंच काहीतरी करेल . उदाहरणार्थ ते अक्षर पडद्यावरून खाली पडल्यासारखं घरंगळवणं वगैरे !
चौथा प्रकार म्हणजे ' बूट सेक्टर व्हायरस '. आपण जेव्हा आपला कम्प्युटर सुरू करतो तेव्हा बायॉस नावाची यंत्रणा पहिल्यांदा जागी होते . ही यंत्रणा डिस्कवरून कम्प्युटरच चालू केल्यावर ज्या गोष्टी व्हायला पाहिजेत ( उदाहरणार्थ कीबोर्ड - माऊस जोडले आहेत की नाहीत , मेमरी ठीकठाक आहे की नाही ) त्या तपासून डिस्कवरून आपल्या कम्प्युटरची विंडोज , लिनक्स वगैरे ' ऑपरेटिंग सिस्टिम ' मेमरीत आणते . मग आपली ऑपरेटिंग सिस्टिम आपल्या कम्प्युटरचा ताबा घेऊन त्याचं काम चालवते . जेव्हा ' बूट सेक्टर ' व्हायरस आपल्या कम्प्युटरवर हल्ला करतो तेव्हा ' बायॉस ' नं ऑपरेटिंग सिस्टिमकडे नियंत्रण सोपवण्यापूर्वीच हा व्हायरस आपल्या कम्प्युटरवर कब्जा घेऊन टाकतो . मग तिथून पुढे काय करायचं हे तो व्हायरस ठरवतो !
' मॅक्रो व्हायरस ' हा मायक्रोसॉफ्ट वर्ड , एक्सेल इत्यादि प्रकारच्या फाइल्समधून पसरतो .
जी मंडळी ' अॅण्टिव्हायरस ' लिहितात त्यांचं काम डॉक्टर्ससारखं चालतं . डॉक्टर्स कसे आपल्याला होणा - या त्रासाविषयी अनेक प्रश्न विचारतात , चाचण्या करून रक्त वगैरे तपासतात . आणि या सा - यातून आपल्या शरीरात झालेल्या बिघाडामागे कोणता ठराविक ' पॅटर्न ' आहे का ते शोधतात ! तसंच प्रत्येक व्हायरसचा ' पॅटर्न ' ( त्याला त्याची ' सिग्नेचर ' म्हणतात ) असतो . ही ' सिग्नेचर ' म्हणजे चक्क ० - १ च्या भाषेतल्या व्हायरसच्या सूचना . अशा लाखो सिग्नेचर्स ओळखून त्या व्हायरसेसना दूर ठेवणं , सा - या प्रोग्रॅम्सवर बारीक लक्ष ठेवून कुठल्या प्रोग्रॅमचं काम व्हायरससारखं तर नाहीये ना हे सतत करत राहणं , ही ' अॅण्टिव्हायरस ' सॉफ्टवेअरची जबाबदारी .

......

कॉम्प्युटर स्लो झाल्यास रिस्टार्ट करायचे टाळा.

बर्‍याच वेळेस कॉम्प्युटरवर भरपूर काम केल्याने अथवा भरपूर निरनिराळे सॉफ्टवेअर्स उघडून काम केल्याने कॉम्प्युटर त्या वेळेस थोडासा स्लो होतो म्हणजेच थोडासा हळू चालू लागतो. त्याची झालेली संथ गती आपल्या लक्षात आल्यानंतर आपण कॉम्प्युटर रिस्टार्ट करतो म्हणजेच बंद करुन पून्हा सुरु करतो. जेणे करुन त्याच्या मेमरी मध्ये निर्माण झालेला गुंता सुटून तो पुन्हा व्यवस्थित चालू लागतो.  या परीस्थितीवर चांगला पर्याय म्हणून आपण नेहमी तो कॉम्प्युटर बंद करुन पुन्हा सुरु करतो, म्हणजेच 'रीस्टार्ट' करतो. मग या कॉम्प्युटर बंद करुन पुन्हा सुरु करण्याच्या वेळेमध्ये आपली २-३ मिनिटे वाया जातात.

काम करताना थोडासा स्लो झालेला कॉम्प्युटर बंद करुन पुन्हा सुरु केल्याने कॉम्प्युटरच्या मेमरीमध्ये झालेला गुंता सुटून तो पुन्हा व्यवस्थित चालू लागतो. अशाप्रकारे कॉम्प्युटरच्या मेमरीमध्ये झालेला गुंता सोडविण्यावर कॉम्प्युटर 'रीस्टार्ट' करणे हा एकच पर्याय नाही. कॉम्प्युटर 'रीस्टार्ट'   न करता देखिल स्लो झालेला कॉम्प्युटर व्यवस्थित करता येतो. असे करताना कॉम्प्युटरमधिल मेमरीमध्ये झालेला गुंता सोडविण्याची क्रिया खाली दिली आहे.
१. कॉम्प्युटरच्या डेस्कटॉपवर माऊसचे राईटक्लिक करुन येणार्‍या चौकोनातील 'New' या विभागातील  "Shortcut" या नावावर क्लिक करा.

२. आता आपल्यासमोर 'Create Shortcut'  चा चौकोन उघडेल.  त्यातील 'Type tye location of item:'  च्या खालील जागेमध्ये खाली दिलेली ठळक अक्षरातील ओळ कॉपी करुन त्याजागी पेस्ट करा व खालिल Next >  या बटणावर क्लिक करा.

%windir%\system32\ rundll32. exe advapi32.dll, ProcessIdleTasks


३. आता पुढील चौकोनामध्ये 'Type a name for this shortcut'  च्या खालिल जागेमध्ये "Clear Memory" असे टाईप करुन खालिल Finish  या बटणावर क्लिक करा.



४. असे केल्याने आता कॉम्प्युटरच्या डेस्कटॉपवर  "Clear Memory" नावाची एक फाईल तयार होईल. मग जेव्हा-जेव्हा आपणास कॉम्प्युटर स्लो झालेला जाणवेल तेव्हा कॉम्प्युटर 'रीस्टार्ट'  न करता फक्त या फाईलीवर डबलक्लिक करुन पुन्हा कॉम्प्युटरचा वेग सुरळीत करा.

......

काही चांगल्या websites
मला काय लिहावे ते सुचत नव्हते. म्हणून म्हटले काही नाहीतर चांगली माहिती share करूया.  या आधीच्या post मध्ये देखील मी अशीच थोडीशी माहिती टाकली होती.
To download free soft wares the site is
Free software downloads and software reviews – CNET Download.com
I usually prefer this site.
तसेच इतरही काही आहेत.
http://www.softpedia.com/
http://www.brothersoft.com/
mobile साठी java applications download करण्यासाठी हि site best आहे माझ्या मते.
http://www.getjar.com/
यातली oxford dictionary खूप छान आहे.
media converter मी नेहमी वापरते. videos mp3 मध्ये convert करण्यासाठी.
काही वेळेला you tube आणि त्यासारख्या काही websites मधील videos ची गाणी छान असतात. नुसती गाणी हवी असतील तर हे convertor छान आहे आणि फ्री आहे. 5 downloads per day . शिवाय यात इतरही बरेच options आहेत.
http://www.mediaconverter.org/
जर तुम्हाला एक pet हवा असेल तर अजिबात त्रास न देणारा pet येथे सापडेल.
http://dlc.thinkdesktop.com/dl/?FI=1307

......

सहज काहीतरी सापडलं म्हणून

मला नवीन softwares शोधायला आवडतात. मी सतत काहीतरी नवीन शोधायचा प्रयत्न करत असते net  वर. मागे windows साठी नवीन themes शोधत असताना एक छान theme सापडली. ती येथे share करते आहे. Try करून बघा. vista सारखी दिसते. नेहमीच्या लूक पेक्षा वेगळी छान वाटते.

universal vista inspirat brico pack 2. अधिक माहितीसाठी आणि download करण्यासाठी हि लिंक वापरा.
warning :  हि theme वापरत असताना windows चे sp1 sp2 packs टाकू नका. आधी हि theme uninstall करून मग टाका. हे खूप सोपं आहे आणि फार वेळदेखील घेत नाही. आणि windows चे sp1 sp2 packs टाकल्यानंतर काही problems create होतात. खरं तर windows ने यासाठी काहीतरी करायला पाहिजे. “generic host process for win32 services encountered a problem and needs to close” त्यासाठी हि लिंक वापरा. मी वापरली आहे.
आणखी काही म्हणजे firefox . बेस्ट वेब browser . त्याचे काही add ons तर अगदी छानच. download helper नावाचा add  on you tube आणि तत्सम websites वरील videos download करायसाठी खूप उपयोगी आहे.
media players मध्ये KM player खूप छान आहे.

Divx player सुद्धा छान आहे.सुद्धा छान आहे. काही websites वर online movies वगैरे बघायला हा वापरावा लागतो.

......

मोबाईलद्वारे बनवा स्वत:ची वेबसाईट

तुम्हाला तुमची स्वत:ची वेबसाईट तयार करायची आहे का?  तुम्हाला तुमची वेबसाईट तयार करता येणार आहे तुमच्या मोबाईलच्या मदतीने. चेन्नईच्या अकिम टेक्नॉलॉजीने ही सुविधा मोबाईल ग्राहकांसाठी सुरू केली आहे त्याच्यात काही सेकंदात तुम्ही तुमची वेबसाईट तयार करू शकता. ही सेवा ग्राहकांना मोफत उपलब्ध होणार आहे, पण ही सेवा घेताना मोबाईल हॅण्डसेटमध्ये जीपीआरएस सेवा असणे आवश्यक असणार आहे. त्याचवेळी तुमचा मोबाईल इंटरनेटवरून ऍप्लिकेशन डाऊनलोड करून ती रन करण्यास सक्षम असला पाहिजे. हे सर्व तुमच्याजवळ असेल तर मग फक्त सहा स्टेप्समध्ये तुम्ही तुमची स्वतःची वेबसाईट सुरू करू शकता. तर मग तुमच्या मोबाईलच्या इंटरनेट ऑप्शनमध्ये जाऊन गो टू ऍड्रेसमध्ये जाऊन टाईप करा www.mobisitegalore.com ही लिंक. थोड्य़ा वेळाने तुम्ही या वेबसाईटवर जाल. तिथे साईन इन करण्यासाठी क्लिक करणं ही पहिली स्टेप. मग तुम्हाला तुमच्या वेबसाईटचं नाव निश्चित करावं लागेल. त्यानंतर साधारण वेबसाईटवर असतात ते तपशील म्हणजे होमपेज, इतर पेजेस म्हणजे अबाऊट अस, प्रॉडक्टस् , सर्विसेस, न्यूज आणि कॉन्टॅक्ट अस वगैरे तपशील लिहिला की तुम्ही तुमची वेबसाईट बनवण्यासाठीच्या दोन स्टेप्स पूर्ण केलेल्या असतात. त्यानंतर तुमच्या मोबाईलवर लोड झालेलं ऍप्लिकेशन तुम्हाला तुमच्या वेबपेजचा कलर सिलेक्ट करण्यासाठी विचारेल. तिथे असलेल्या अनेक पर्यायांपैकी तुमच्या आवडीचा रंग निवडा.
त्यानंतर तुम्हाला मोबीसाईटगॅलोर ही वेबसाईट लॉग इन पेजवर घेऊन जाईल. तिथे तुम्ही तुमचं नाव, यूजर आणि पासवर्ड टाकायचा आहे. ईमेल अकांऊट ओपन करताना जसं तुम्हाला पासवर्ड रिटाईप करायला सांगितला जातो, तसा इथेही करावा लागेल. त्यानंतर तुमचा ईमेल आणि मोबाईल नंबर वेबसाईटला द्या आणि ते पेज सबमीट करा. आता तुमची वेबसाईट प्रत्यक्षात येण्यासाठी फक्त दोन स्टेप्स शिल्लक राहिल्यात. त्यानंतर तुम्ही तुमच्या वेबसाईटचा कंटेट आणि इमेज अपलोड करा. ही वेबसाईट विकीमार्कअप च्या टेक्स्ट आणि इमेज ऍक्सेप्ट करते. तुम्हाला कंटेट आणि फोटो लगेचच अपलोड करायचे नसतील तर हा ऑप्शन स्कीप करण्याची सोयही यामध्ये आहे. त्यानंतर तुम्ही केलेले चेंजेस सेव्ह करा, काही वेळाने तुम्हाला कॉन्ग्रॅच्युलेशन्सचा संदेश दिसेल, म्हणजे तुमची वेबसाईट तयार झालीय. मग प्रोसीडचं बटन सिलेक्ट करून करा. झाली तुमची वेबसाईट तयार, तीही चक्क फुकट

......

ईमेल चे वर्गीकरण करा

आपल्या इंबॉक्स मध्ये अनेक मेल येत असतात. काही मेल मित्रांचे असतात, तर काही मेल एखाद्या सर्व्हिसचे असतात, जी आपण सब्स्क्राईब केलेली आहे. अशावेळी आपल्याला आपल्या मेलमध्ये व्यवस्थितपणा आणायचा असेल, सु्टसुटीतपणा आणायचा असेल, तर त्यासाठी आपण आपल्या इन्बॉक्स चे विवध कप्पे करायला हवेत, जिथे प्रत्येक कप्यात आपण वेगवेगळ्या प्रकारचे ईमेल व्यवस्थित ठेवू शकतो, त्यांचे वर्गीकरण करु शकतो. आणि असे वर्गीकरण आपल्याला करता येईल लेबल्स च्या माध्यमातून.
अनेक लोक हे जीमेल वापरत असल्याने, नेहमीप्रमाणे मी जीमेलच्या माध्यमातूनच ही गोष्ट स्पष्ट करणार आहे.
१. त्यासाठी सर्वप्रथम आपल्या जीमेल खात्यावर जा.
२. एखाद्या विशिष्ट मित्राकडून येणारा किंवा ठराविक कंपनीकडून, वेबसाईटकडून येणारा, कोणताही एक मेल उघडा.
३. त्या मेलच्या वरच्या पट्टीतून Labels या पर्यायावर जा.

लेबल्स (labels) या पर्यायावर जा

४. आता Create new वर क्लिक करा.
५. Please enter a new label name या ओळीच्या खाली दिलेल्या रिकाम्या जागेत, त्या विशिष्ट मित्राचे, कंपनीचे किंवा वेबसाईटचे नाव टाका.
७. आणि आता OK या बटणावर क्लिक करा.
८. The conversation has been labeled “(इथे तुम्ही दिलेले नाव असेल)”, अशी पिवळ्या पट्टीतील ओळ तुम्हाला थोड्या वेळासाठी दिसून येईल. हवं असल्यास त्यापुढील Learn More या पर्यायावर क्लिक करा.


ठिक आहे, तर एका विशिष्ट मित्र / कंपनी / वेबसाईट कडून वारंवार येणार्‍या मेलसाठी, आता तुम्ही एक खास कप्पा तयार केला आहे. शिवाय त्या कप्याला नावही दिलं आहे. वेगवेगळ्या मित्र / कंपनी / वेबसाईट यांच्यासाठी तुम्ही असे कितीही कप्पे (labels) तयार करु शकता, प्रत्येक कप्याला वेगळं नाव असेल.


तयार केलेले सर्व लेबल्स आपल्याला जीमेल पानाच्या डाव्या बाजूला असलेल्या साईडबारमध्ये दिसतील. प्रत्येक लेबल च्या आधी जोडून एक छोटासा बॉक्स असेल, त्यावर क्लिक करुन आपण लेबलचा कलर चेंज करु शकतो, लेबलचे नाव बदलू शकतो किंवा ते डिलीट करु शकतो.

लेबल ला कलर द्या, एडिट करा, डिलीट करा

अशाप्रकारे labels चा वापर करुन आता आपण आपला इन्बॉक्स नीटनेटका, व्यवस्थित केलेला आहे.

......

नको असलेले ईमेल फिल्टर करा

जीवनात अशा अनेक गोष्टी आहेत, ज्यांपासून दूर राहणं हे कधीकधी आवश्यक बनून जातं. अगदी मोठ्या मोठ्या गोष्टींपासून ते इरिटेट करणार्‍या छोट्या छोट्या गोष्टींपर्यंत! आत नको असलेले ईमेलच पहा ना! काय करायचं या ईमेल्सचं!? स्पॅम घोषीत करुन टाकायचं!? पण का!? मला मुळात ते माझ्या इन्बॉक्स मध्येच नको आहेत! अशावेळी मला काय करता येईल? त्यासाठीही एक पर्याय आहे ना! मेल फिल्टर करण्याचा! मेल फिल्टर करण्याची सुविधा मला वाटतं सर्वच ईमेल सर्व्हिस प्रोव्हायडर कंपन्या देतात. पण आजकाल जीमेल वापरणार्‍यांचं प्रमाण लक्षणीय आहे आणि मी स्वतः जीमेल वापरत असल्याने आपण जीमेलच्या माध्यमातून नको असलेले ईमेल्स कसे फिल्टर करता येतील!? ते पाहणार आहोत.

१. त्यासाठी सर्वप्रथम आपल्याला जीमेल.कॉम वर जावं लागेल.
२. त्यानंतर वेळ येते ती नको असलेला मेल एकदा शेवटचा उघडण्याची! एख्याद्या व्यक्तिचा, संस्थेचा वारंवार येणारा, नको असलेला कोणताही एक मेल उघडा.
(मी खरं तर मी मराठी जीमेल वापरतो, पण आपल्यापैकी बहुतेक जण इंग्रजी जीमेल वापरत असल्याने काही काळासाठी मी माझ्या जीमेलची भाषा इंग्रजी करत आहे.)
३. तर आपण नको असलेला एक मेल उघडला आहे. मेलच्या वरच्या बाजूला More actions मधून Filter messages like these या पर्यायावर क्लिक करा.

More actions मधून Filter messages like these या पर्यायावर क्लिक करा

४. यानंतर नको असलेला ईमेल फिल्टर करण्याची प्रक्रिया सुरु होईल.
५. Next Step वर क्लिक करा.

Next Step वर क्लिक करा

६. Delete it या पर्यायावर टिक मार्क करा.

Delete it पर्यायावर टिक मार्क करुन Create Filter वर क्लिक करा

७. Create Filter वर क्लिक करा.
८. तुमचा फिल्टर तयार झालेला असेल. भविष्यात जर तुम्हाला हा फिल्टर काढून टाकावासा वाटला अथवा एडीट करावासा वाटला, तर तसं तुम्ही जीमेलच्या settings या पर्यायाद्वारे करु शकता. तिथे Filters नावाचा उपपर्याय तुम्हाला दिसून येईल. त्याचा याकामात उपयोग करा.

Settings मधून Filters एडीट करा

आता इरिटेट करणार्‍या, नको असलेल्या अशा व्यक्तिचा, संस्थेचा, संघटनेचा वारंवार येणार ईमेल परस्पर डिलिट होत राहिल. आणि त्यासाठी व्यक्तिशः तुम्हाला काहीएक करण्याची गरज उरणार नाही. 

 ......

चुकून पाठवलेला ईमेल लगेच undo करा

कधी कधी अर्धवट लिहिलेला मेल चुकून आपल्याकडून पाठवला जातो! ‘अरेच्चाऽऽऽ’ म्हणेपर्यंत तो हातून निसटलेला असतो. आणि तो पलिकडच्या माणसाच्या इंबॉक्समध्ये जाऊन पडत असताना, हात चोळत बसण्याहून अधिक आपल्या हातात काहीही राहीलेलं नसतं.गेल्या महिन्यात मी दररोज एक ब्लॉग लिहीत होतो. तेंव्हा काय झालं!? एके दिवशी ब्लॉग लिहीता लिहीता तो अर्धवट लिहून झालेला असताना, अचानकच पब्लिश झाला! मी पब्लिशचं बटण दाबलं नव्हतं, पण की-पॅड ची बटणं दाबत असताना ‘काहीतरी’ झालं आणि तो पब्लिश झाला! त्यादिवशी अधिच एक आर्टिकल पब्लिश झालं होतं, मी उद्याचं आर्टिकल लिहीत होतो, तेही त्याच दिवशी पब्लिश झालं, म्हणजे माझं काम वाढलं! असं दोनदा झाल्याने माझे ३१ दिवसात ३३ लेख लिहून झाले! यावरुन मला सांगायचंय काय!? तर कधीकधी चुकून ब्लॉग पब्लिश होऊ शकतो, तसंच मेलही चुकून सेंड होऊ शकतो.

याशिवाय मेल सेंड केल्यानंतर लगेच कधीकधी मनाला हुरुहुर देखील वाटू शकते! जसं, ‘असं लिहायला नको होतं मी, थोडेसे वेगळे शब्द वापरायला हवे होते!’ किंवा मेल पाठवल्या पाठवल्या दुसर्‍याच क्षणी आपलं मन म्हणतं ‘अरेऽ हे लिहायचं तर राहूनच गेलंऽ!’ मनाचा काय भरवसा!? त्याला आणखी एक चान्स तर द्यायलाच हवा ना!


‘जीमेल’ वापरुन आपल्याला आपल्या मनाला असा चान्स देता येईल! कसं काय?
१. सर्वप्रथम जीमेल वर जा.
२. उजव्या कोपर्‍यात वर settings वर क्लिक करा.
३. settings च्या मेनूमध्ये labs वर क्लिक करा.
४. labs मध्ये undo send नावाचा पर्याय आहे. त्या पर्यायाला Enable करा.

गुगल लॅब मधील ‘अनडू सेंड’

५. आता यापुढे एखादा मेल पाठवत असताना तुम्ही send या बटणावर क्लिक केल्यानंतर, तो मेल पाठवण्याबाबत पुर्नविचार करण्यास तुम्हाला काही सेकंद मिळतील. म्हणजेच मेल send केल्यानंतर लगेच खाली चित्रात दाखवल्याप्रमाणे तुम्हाला पर्याय दिसून येतील.

वर  दाखवल्याप्रमाणे मेल send केल्यानंतर, त्या मेलबाबत Undo आणि View message असे दोन पर्याय तुम्हाला दिसून येतील. त्यापॆकी Undo या पर्यायावर क्लिक केल्यानंतर तुमचा मेसेज जाणार नाही. Undo हा पर्याय काही सेकंदांसाठीच त्या तिथे राहतो, म्हणजे त्याच्या आत तुम्हाला त्यावर क्लिक करावं लागतं, जेणेकरुन तुमचा मेसेज पुढे जाण्यापासून रोखला जाईल.


अशाप्रकारे जीमेल आपल्यासाठी भरपूर सुविधा उपलब्ध करुन देत आहेच, तर त्यांचा आपण आपल्यासाठी उपयोग करुन घेतला पाहिजे ...असं व्हायला नको की, देणारा देत आहे आणि घेणार्‍याचे हातच कमी पडतायत! 

......

मराठी पुस्तकांचे सर्वांत मोठे ऑनलाईन दुकान

तब्बल २०,८५५ मराठी आणि १,१६,९०१ इंग्रजी पुस्तकांचा समावेश असलेले ग्रंथायन हे ऑनलाईन पुस्तक खरेदीसाठी एक आदर्श ठिकाण आहे. तुम्हाला जर ही मराठी वेबसाईट पाहायची असेल तर ती इंटरनेट एक्स्प्लोरर वरुनच पहावी लागेल.


चरित्र, कविता, कादंबरी, बालवाड.मय, आहार, आत्मचरित्र, ललित, राजकीय, कथा, विनोदी, आरोग्य, ईतीहास, नाटक, वॆचारीक, अर्थ, अनुवादीत इत्यादी अनेक विभागांमध्ये त्यांनी या हजारो मराठी पुस्तकांची विभागणी केली आहे. तुमच्या आवडीच्या विभागानुसार तुम्ही उपलब्ध पुस्तकांची यादी आणि त्या प्रत्येकाची किंमत पाहू शकता. प्रत्येक पुस्तकाच्या लेखाकाचे आणि त्याच्या प्रकाशकाचे नाव त्या पुस्तकाच्या खालीच दिलेले आहे.



जर तुम्ही किमान ५०० रु. ची पुस्तके विकत घेतलीत, तर ती तुम्हाला कोणत्याही अतिरीक्त खर्चाशिवाय घरपोच मिळतील. आणि खरं सांगायचं म्हणजे आजकाल दोन-तीन पुस्तकं घ्यायची म्हटलं, तरी सहजच ५०० रु. च्या वर खर्च होऊन जातो. सगळ्यात चांगली बाब म्हणजे तुम्ही पुस्तकाचे पॆसे नंतर... म्हणजे ती प्रत्यक्ष तुमच्या हातात पडल्यानंरही देऊ शकता. आणि जर तुम्हाला क्रेडिट कार्डने पॆसे द्यायची ईच्छा असेल तर तशीही सोय उपलब्ध आहे.


तुम्ही एखाद्या पुस्तकाबद्दल जर कुठं वाचलं वा ऎकलं असेल आणि ते वाचण्याची तुमची खूप दिवसांपासूनची ईच्छा असेल, तर ग्रंथायन हे त्या पुस्तकाचा शोध घेण्यासाठी एक सर्वोत्तम ठिकाण आहे.

......

सब्स्क्राईब म्हणजे काय?

नवीन नवीन इंटरनेट वापरायला सुरुवात केली आणि ज्या वेबसाईटवर जाईन तिकडे ‘सब्स्क्राईब’ हा पर्याय दिसू लागला. प्रथम मला समजलंच नाही की हा काय प्रकार आहे ते... पण नंतर हळूहळू सारं काही लक्षात आलं.



ठिक आहे... तर आता आपण आपली थोडीशी कल्पनाशक्ती वापरुयात. टि.व्ही. वरचा एखादा कार्यक्रम आवडला की दुस-या दिवशी त्याच ठिकाणी त्याच पोझिशनमध्ये बसून त्याच कार्यक्रमाचा पुढचा भाग पाहण्यासाठी आपण अतुर असतो. असंच मग तिस-या दिवशी घडतं... चॊथ्या दिवशी... जोपर्यंत तो कार्यक्रम तयार करणा-यांचा किंवा तुमचा स्टॅमिना संपत नाही तोपर्यंत... थोडक्यात काय!? तर एखादा कार्यक्रम आपल्याला आवडला तर आपण १.त्याची आणि २.त्याच्या पुढील भागांची ‘नोंद’ घेतो. अशाचप्रकारे जर एखादा ब्लॉग, वेबसाईट आणि त्यावरील लेख तुम्हाला आवडला, तर तुम्ही काय कराल? ती वेबसाईट आपल्या ‘वेब ब्राऊजर’ मध्ये बुकमार्क कराल. पण हे झालं १.त्या वेबसाईटची नोंद घेणं. त्या वेबसाईटवर, ब्लॉगवर ‘भविष्यकाळात प्रकाशीत होणा-या’ लेखांची नोंद घ्यायची असेल तर? ...त्या वेबसाईटवर ‘नवीन काही आलं आहे का?’ हे पाहण्यासाठी वारंवार त्या वेबसाईटला भेट द्याल...!? पण मग ते तर फारच गॆरसोयीचं ठरेल.  २.म्हणूनच आवडलेल्या वेबसाईट, ब्लॉगवरील पुढील लेखांची, बदलांची (व्हिडिओ, फोटो इ.) ‘नोंद’ घेण्याकरीता आपण ‘सब्स्क्राईब’ हा पर्याय वापरतो.


‘सब्स्क्राईब ’ या पर्यायाद्वारे नोंद घेण्याचेही अनेक प्रकार आहेत. तुम्हाला जो प्रकार सोयीचा वाटतो तो तुम्ही निवडायचा असतो. जसं माझ्या या वेबसाईटवरच पहा. या लेखाच्या शिर्षकाखाली ‘subscribe' असं लिहिलेलं एक बटण आहे. त्यावर क्लिक केलं की एक नवीन टॅब ओपन होतो. या नव्याने उघडलेल्या पानावर my yahoo, google, my aol, bloglines, technorati, netvibes, my msn इ.इ. अनेक पर्याय आहेत. आपण यांना एकसारखीच सेवा पुरवणा-या वेगवेगळ्या कंपन्या समजुयात. जसं समजा... एअरटेल, आयडिआ, व्होडाफोन, रिलायन्स या एकसारखीच सेवा पुरवणा-या वेगवेगळ्या कंपन्या आहेत. पण शेवटी ते काम ( मोबाईलद्वारे संपर्क) एकाच प्रकारचे करतात. ‘मोबाईलद्वारे संपर्क’ ही या सा-या कंपन्यांची मुख्य सेवा असली, तरीही लोकांपर्यंत ते ही सेवा कशाप्रकारे पोहचवतात ते महत्त्वाचं आहे. तसंच my yahoo, google reader, my aol, my msn, bloglines या सा-यांचं आहे. सर्वांना पडताळून पाहिल्यानंतर यापॆकी कोणची सेवा तुम्हाला आवडते, ते तुम्ही स्वतःच ठरवणार आहात. पण शेवटी बेसिकली ‘नवीन लेखांची नोंद घेणे’ हेच काम ते सारे करतात किंवा करत असतात.


नवीन लेखांची, बदलांची नोंद घेण्याचा आणखी एक लोकप्रिय पर्याय म्हणजे ‘ई-मेल सब्स्क्रिप्शन’. एखाद्या बेबसाईट, ब्लॉग लेखाकाने जर त्याच्य़ा ब्लॉगवर नवीन लेख टाकला की त्याची माहिती तुम्हाला लगेचच तुमच्या ई-मेलवर प्राप्त होते. पण त्यासाठी आधी तुम्हाला तुमच्या आवडलेल्या वेबसाईटर, तुमचा ई-मेल आय.डी. देऊन ठेवावा लागतो. जसं या लेखाच्या शिर्षकाखाली एक फॉर्म आहे. जवळपास तशाचप्रकारचा फॉर्म तुम्हाला इतर वेबसाईटवरदेखील आढळून येईल. (जर त्या वेबसाईट मालकाने तो उपलब्ध करुन दिला असेल तर). दिलेल्या रिकाम्या जागेत तुम्ही तुमचा मेल आय.डी. टाकला, सब्स्क्राईबवर क्लिक केले, एकदा आपल्या मेल आकाऊंटचे व्हेरिफीकेशन केले, की झालं! तुम्हाला नवीन लेखांची नोंद तुमच्या ई-मेल आकाऊंट मध्ये मिळायला सुरुवात होते. एखाद्या बेबसाईटवरचा नवा लेख तुम्हाला तुमच्या ई-मेल अकाऊंटवर मेलच्या रुपाने संपूर्ण स्वरुपातही प्राप्त होऊ शकतो. (पण ते त्या त्या वेबसाईट मालकाच्या मनावर अवलंबून आहे).


तर ही झाली सब्स्क्राईब म्हणजे काय? याची थोडक्यात माहिती. मला माहित आहे की ही परिपूर्ण नाहिये... अजूनही बरंच काही सांगण्यासारखं आहे... मी सांगेनही... पण तोपर्यंत तुम्हाला काही अडचण असेल तर खाली आपला कॉमेंट बॉक्स आहेच.

......

आपला मेल हॅक होवू शकतो.
आपला मेल हॅक होवू शकतो. आपला मेल हॅक होत असल्यास ते ओळखण्याच्या काही टिप्स आहेत.
1.सर्वात प्रथम आपण आपल्या लॉग-इन विषयीची माहिती लक्षात ठेवावी. आपण मेल कधी उघडला होता. त्यावर काय काय केले होते, हे लक्षात ठेवावे.
2. आपण आपला मेल उघडल्यानंतर त्यावर सर्वात शेवटची तारीख पाहू शकता. यावर आपण यापूर्वी कदी आला होतात, याची नोंद असते.
3. ज्या पीसीवरुन मेल एक्टिव्हेट करण्यात आला त्याचा आयपीही यावर दिसतो.
4. मेल पाहिल्यानंतर आपण त्याची एक्सेस तारीख व लॉग-इन-टाइम लक्षात ठेवावा.
5. दर महिन्याला आपला मेल पासवर्ड आपण बदलावा.
6. मेल पासवर्डमध्ये काही कॅप्स (कॅपिटल)  शब्द तसेच काही आकडेही असावेत.
वरील काही टिप्स आपल्याला मेल एक्सेस करताना उपयोगी पडू शकतात.


मध्ये माझ्या एका मित्राचे ‘गुगल अकाऊंट’ हॅक झाले होते. म्हणजे हॅकर्सनी अगदी हुबेहुब ऑर्कुट सारखं पेज तयार केलं होतं आणि तिथे जर तुम्ही लॉग-इन झालात की, संपलंच मग सगळं! पण यावेळीही गुगलच्या सोयीसुविधा त्याच्यासाठी धावून आल्या. म्हणजे त्याचं अकाऊंट हॅक जरुर झालं! पण त्याचं त्याला ते परतही मिळालं! कसं काय!? त्याने गुगल अकाऊंट्सला आपला मोबाईल नंबरही दिला होता. त्याने मोबाईलच्या सहाय्याने आपला पासवर्ड रिसेट करुन आपलं अकाऊंट परत मिळवलं. ऑनलाईन अकाऊंट आणि आपला मोबाईल नंबर हे दोन्ही एकाच वेळी चोरीला तर जाऊ शकत नाहीत ना! आणि म्हणूनच मला वाटतं, सावधानतेचा उपाय म्हणून प्रत्येकाने आपला मोबाईल नंबर गुगलला देऊन ठेवावा.

......

लॅपटॉपची काळजी कशी घ्याल?

बहुतेक जणांकडे स्वतःचे लॅपटॉप आहेत. अर्थात, त्यामुळे त्यांना लॅपटॉपचं फार काही अप्रूप नाही. कदाचित म्हणूनच त्याची नीट देखभाल होत नसावी. त्यामुळेच मग ऐन आणीबाणीच्या प्रसंगी लॅपटॉप धोका देतो. हे टाळायचे असेल तर...

नेमका कामाच्या वेळी लॅपटॉप खराब होतो' अशी तक्रार अनेक जण करतात. एक-दोन वर्षेच वापरलेला लॅपटॉप आता फेकून देण्यायोग्य झाला आहे, अशा निष्कर्षापर्यंतही अनेक जण पोचतात. बरेचदा वापरून वापरून निकामी झालेला लॅपटॉप बदललाही जातो; पण नव्या लॅपटॉपचीही तीच गत झाली तर... त्यामुळेच लॅपटॉपची योग्य काळजी घेणे उपयुक्त ठरते.

महत्त्वाच्या कामाच्या वेळीच लॅपटॉप स्लो होतो. त्यामुळे जेव्हा वेळ मिळेल तेव्हा लॅपटॉपमधील टेम्पररी फाइल्स, रिसेंट युज्ड फाइल्स; तसेच नको असलेल्या फाइल्स डिलीट करा; तसेच महिन्यातून किमान दोन वेळा सर्व ड्राईव्ह "डीफ्रॅग्रामेट' करा. हे करताना इतर कोणतीही ऍप्लिकेशन्स सुरू ठेवू नका; तसेच ते झाल्यानंतर लॅपटॉप रिस्टार्ट करा. त्यामुळे लॅपटॉपचा स्पीड वाढण्यास मदत होईल.

बरेचदा आपण लॅपटॉपचा रफ वापर करतो. तसेच लॅपटॉपची धुळीपासूनही काळजी घेतली जात नाही. लॅपटॉपच्या आतील चीप, प्रोसेसर आदी महागड्यांना पार्टना धुळीपासून धोका पोचू शकतो. लॅपटॉपमध्ये धूळ जमा झाल्यास लॅपटॉप मधून बाहेर पडणारी हवा अधिक उष्ण होते. त्यामुळे आतील महत्त्वाचे पार्टस खराब होण्याची शक्‍यता असते. त्यामुळे धुळीच्या ठिकाणी लॅपटॉप वापरू नका. लॅपटॉपच्या बॅटरीबाबतही योग्य काळजी घेतली जात नाही. अनेकदा बॅटरी डिस्चार्ज झाल्यानंतर आपण चार्जिंग करतो; पण पूर्ण चार्ज झाल्यावर चार्जिंग बंद केले जात नाही. वास्तविक, लॅपटॉप सुरू असताना चार्जिंग करत असल्यास त्यावर किती टक्‍के चार्जिंग झाले आहे, हे दर्शवण्याची सुविधा आहे. तरीही बरेचदा प्रमाणापेक्षा जास्त चार्जिंग केले जाते. त्यामुळे बॅटरीचं आयुष्य कमी होतं; तसेच तिचा बॅकअपही कमी होतो. त्यामुळे चार्जिंग करताना दक्षता घेणे गरजेचे आहे. लॅपटॉपची बॅटरी जास्त वेळ चालावी, यासाठी पॉवर सेव्हिंग मोडचा उपयोग करावा. यामुळे विजेची बचत होऊन बॅटरी बॅकअप मिळण्यासही मदत होते. डीव्हीडी, सीडी व्यवस्थित लोड केले नाही, तर लेन्समध्ये स्क्रॅचेस पडतात. त्यामुळे लोडिंग करताना विशेष काळजी घ्यावी. या सर्व गोष्टींबरोबरच लॅपटॉपमधील स्टोअर असणारे ऍप्लिकेशन्स सातत्याने अपडेट करावेत. या ऍप्लिकेशन्समध्ये मुख्य म्हणजे फायरवॉल आणि ऑपरेटिंग सिस्टिम अपडेट कराव्यात; तसेच चुंबकीय लहरींपासून लॅपटॉप दूर ठेवावा. चुंबकीय लहरींच्या संपर्कात लॅपटॉप बिघडण्याची शक्‍यता असते. त्याचबरोबर लॅपटॉप कॅरी करताना नेहमी कॅरीकेस सोबत ठेवा. प्रवासात किंवा इतर ठिकाणी फिरताना लॅपटॉप पाठीवर असेल तर थोडी काळजी घ्या. अशा काही छोट्या-छोट्या गोष्टी लक्षात ठेवल्या तर लॅपटॉपचं आयुष्य नक्‍कीच वाढेल !

......

बरह बिनधास्त लिहा मराठीत!

 आपल्या मनातले मराठी भाषेत लिहायची आणि बोलायची मजा काही वेगळीच! मनातले खरेखुरे "एक्‍स्प्रेशन' आपल्याच भाषेत सांगण्याची मजा वेगळीच! "नो बॅग्ज प्लीज' अशा इंग्रजीतल्या सभ्य (पण मिळमिळीत) सूचनेपेक्षा "कॅरीबॅग मागून अपमान करून घेऊ नये' अशी अस्सल जहाल पुणेरी पाटीच खऱ्या पुणेकर दुकानदाराची ओळख पटवते. "आमची इतरत्र कोठेही शाखा नाही....' अशा टिपिकल पाटीबरोबरच "येथे सर्व भाषांमधील झेरॉक्‍स काढून मिळतील' अशा खोचक पाट्या खास पुण्यनगरीतच बघायला मिळतात. पण हे सारे खास "आयटम्स' कॉम्प्युटरवर लिहायचे कसे? कॉम्प्युटरवर तर सगळीकडे इंग्रजीतच टाईप करावे लागते. मराठी फॉंट इथे वापरता येतोय कुणाला? शिवाय नेटवर, म्हणजेच इ-मेल, फेसबुक, ऑर्कुट वापरताना मराठीत लिहायचे तरी कसे? आवडलेल्या गोष्टीला "क्‍या बात है बाप' अशी मनमोकळी दाद तरी देणार कशी? किंवा न पटलेल्या गोष्टींवर आपली ठणठणीत प्रतिक्रिया मांडायची कशी? बरेच जण इंग्रजी अक्षरे वापरूनच रोमन लिपीतच मराठी शब्द "बळेच' लिहितात. पण असे करण्यापेक्षा एक मस्त उपाय आहे - बरह!

बरह' है क्‍या?
१९९८ मध्ये "बरह' हे सॉफ्टवेअर मुळात निर्माण झाले कन्नड भाषेकरता. पण हळूहळू मराठी आणि इतरही भारतीय भाषांकरता ते उपलब्ध झालेले आहे. बरह "लोड' केल्यानंतर इंग्रजीसाठी असणाऱ्या Qwerty या प्रकारच्या की-बोर्डचा वापर करूनच आपल्याला मराठीमध्ये टाईप करता येते. त्यासाठी वेगळे काहीही शिकण्याची गरज नाही. तांत्रिकदृष्ट्या बरह हे सॉफ्टवेअर "फोनेटिक आयएमई' आहे. फोनेटिक म्हणजे उच्चाराप्रमाणे आणि आयएमई म्हणजे "इनपुट मेथड'. आपण उच्चाराप्रमाणे इंग्रजी स्पेलिंगप्रमाणे टाईप करत गेलो, की मराठी मजकूर उमटत जातो. या प्रक्रियेला "ट्रान्सलिटरेशन' असे म्हणतात.

बरह "इन्स्टॉल' केल्यावर अनेक प्रोग्रॅम्स लोड होतात. पण आपल्यासाठी महत्त्वाचे आहे ते दोनच- बरह आणि बरह डायरेक्‍ट.

मजेत लिहावे कसे?
नुसतेच "बरह' असे नाव असणारा प्रोग्रॅम हा "एडिटर' आहे. म्हणजेच "वर्ड'सारखेच पण मराठीमधून त्यात टाईप करता येते. त्यात फाईल्स तयार करता येतात. अनेकपानी मजकूर लिहायचा असेल, तर हे सॉफ्टवेअर उपयुक्त ठरेल. पण झटपट फेसबुकवर किंवा इ-मेलमध्ये लिहायचे असेल तर मात्र बरह डायरेक्‍ट सुरू करावे लागते. केवळ एफ-११ ही की दाबली की आपल्याला मराठीत अक्षरे लिहिता येतात. इंटरनेटवर लिहिताना आपल्याला "युनिकोड' हा प्रकार "सेट' करावा लागतो. त्याशिवाय मराठी अक्षरे उमटणार नाहीत.

काम की बात
पण या सगळ्या तांत्रिक गोष्टी बाजूला ठेवू या. आपण एखाद्या मराठी शब्दाच्या उच्चाराचे स्पेलिंग इंग्रजीमध्ये जसे करू, तसेच बरह वापरून टाईप करायचे! बस्स, झाले काम तमाम -

उदा.
१) "ती इमारत उंच आहे' असे टाईप करण्यासाठी, की बोर्डवर tI imarat uncha ahe अशा प्रकारे कीज दाबाव्या लागतील.
२) "मला बंगाली मिठाई आवडते' असे टाईप करण्यासाठी की बोर्डवर mala bangali mithai Avadate अशा प्रकारे कीज दाबाव्या लागतील.

विशेष सूचना -
१) बरह हे सॉफ्टवेअर फुकट आहे.
२) डाउनलोड www.baraha.com येथे उपलब्ध राहील.
३) साईटवर उगाच इकडेतिकडे क्‍लिक करू नये.
४) वेबसाईट दुपारी १ ते ४ या वेळातही सुरू राहील.

......

फायरफॉक्‍स




मायक्रोसॉफ्टच्या सर्वच संगणक प्रणाली (याने की ऑपरेटिंग सिस्टिम) बरोबर हा ब्राऊजर दिलेला असतोच. त्यामुळे इंटरनेट वापरण्यासाठी नेहमीच खए म्हणजेच इंटरनेट एक्‍स्प्लोअररचा वापर केला जातो. पण याशिवाय एक वेगळा आणि मस्त पर्याय आहे मोझिला फायरफॉक्‍स!


आ पल्या कॉम्प्युटरवर आपण नेहमी वापरतो असे सॉफ्टवेअर म्हणजे इंटरनेट ब्राऊजर! कॉम्प्युटरच्या स्क्रीनइतकीच "ब्राऊजर'च्या तिथे असण्याचीही आपल्याला इतकी सवय झालेली असते, की जोवर ब्राऊजर कधी बंद पडत नाही, तोपर्यंत आपण त्याच्याकडे लक्षही देत नाही. "इंटरनेट ब्राऊजर' असे काही वेगळे सॉफ्टवेअर असते हेदेखील एरवी आपल्या लक्षात येत नाही. मायक्रोसॉफ्टचा इंटरनेट एक्‍स्प्लोअरर हा "विंडोज'वर आधारित असणाऱ्या सगळ्या कॉम्प्युटर्समध्ये असणारा ब्राऊजर आहे. मायक्रोसॉफ्टचा सर्वच संगणक प्रणाली (याने की ऑपरेटींग सिस्टीम) बरोबर हा ब्राऊजर दिलेला असतोच. त्यामुळे इंटरनेट वापरण्यासाठी नेहमीच खए म्हणजेच इंटरनेट एक्‍स्प्लोअररचा वापर केला जातो. पण याशिवाय एक वेगळा आणि मस्त पर्याय आहे मोझिला फायरफॉक्‍स!


फायरफॉक्‍सची खासीयत काय आहे? छोटीसी बात -

गुंतागुंतीच्या अनेक "कमांड' दाखविणारे ब्राऊजर वापरणे तांत्रिक पार्श्‍वभूमी नसणाऱ्या व्यक्तींना अनेकदा अवघड जाते. फायरफॉक्‍सबाबत मात्र असे होत नाही. कारण आपले सॉफ्टवेअर वापरायला सोपे आणि वेगवान असले पाहिजे, ही फायरफॉक्‍सच्या निर्मात्यांची भूमिका आहे. त्यामुळे अनावश्‍यक गोष्टी देणे त्यांनी मुद्दाम टाळले आहे. वापरायला साधे, सोपे स्क्रीन्स, उत्तम वेग आणि मुख्य म्हणजे मध्येच बंद न पडणे ही फायरफॉक्‍सची खास वैशिष्ट्ये! या सॉफ्टवेअरला "मेमरी' कमी लागत असल्याने जुन्या कॉम्प्युटर्सवरही ते वेगाने चालते. वेबसाईटवरची माहिती बारीक अक्षरात असल्यामुळे वाचायला जर त्रास होत असेल, तर उीींश्र + (किंवा उीींश्र -) या कीज दाबून फायरफॉक्‍समध्ये वेबसाईट झूम करूनही पाहता येतात.


सेफ्टी फर्स्ट -

अनेकदा इंटरनेटवरून आपल्या नकळत काही वेबसाईट "स्पायवेअर' म्हणजेच आपली माहिती काढून घेणारे सॉफ्टवेअर आपल्या अनुमतीशिवायच "लोड' करतात. आपले बॅंक अकाऊंट अथवा क्रेडिट कार्ड यांच्या माहितीचा नेटवरून गैरवापर केला जाऊ शकतो. फायरफॉक्‍स अशी सॉफ्टवेअर आपोआप लोड होऊ देत नाही. "इतर' ब्राऊजर मात्र असा बचाव प्रभावीपणे करू शकत नाहीत.


"पॉप अप'ला टाटा -

पॉप अप म्हणजे आपल्या परवानगीशिवाय अचानक स्क्रीनवर येणारी विंडो. या विंडोमध्ये कधी कधी उगाचच जाहिराती (किंवा असभ्य वेबसाईट्‌स) दाखविणारी "पॉप अप' या प्रकारची सॉफ्टवेअरही येत असतात. फायरफॉक्‍स अशा रसभंग करणाऱ्या जाहिराती बंद करते आणि फक्त आपल्याला हवी असणाऱ्या साईटवरची वेबपेजेसच दाखवते.


टॅब्स- एक विंडोमे सबकुछ -

एकापेक्षा जास्त वेबसाईट आपल्याला एकाच वेळी बघायच्या असतील, तर इंटरनेट एक्‍स्लोअररमध्ये अनेक वेगवेगळ्या विंडोज आपल्याला उघडाव्या लागतात. फायरफॉक्‍समध्ये मात्र याऐवजी नवीन टॅब वापरता येतो. म्हणजेच पुन्हा एकदा फायरफॉक्‍स न उघडताही चालू असणाऱ्या वेबसाईटशेजारीच नवी वेबसाईट दिसू लागते. त्यामुळे आपले इ-मेल अकाऊंट, फेसबुक, ऑर्कुट, गुगल अशा अनेक साईट्‌स एकाशेजारी एक आपल्याला लगेचच दिसू लागतात. प्रत्येक साईटसाठी नवीन विंडो उघडावी लागत नाही, तर एकाच विंडोमध्ये या सर्व साईट्‌स स्वतंत्रपणे आपापल्या टॅब्समध्ये दिसू लागतात.


टेन्शन मत ले... एक्‍सटेन्शन ले!

फायरफॉक्‍सचे सगळ्यात मोठे वैशिष्ट्य म्हणजे एक्‍सटेन्शन्स किंवा ऍड ऑन प्रोग्रम्स! एक्‍सटेन्शन म्हणजे फायरफॉक्‍सला जोडून वापरायच्या इतर अनेक सुविधा. फायरफॉक्‍सचा मुख्य प्रोग्रॅम इंटरनेट वापरण्याकरिता आहे. व्हिडिओ डाऊनलोड करायचा असो, गुगलच्या सेवा वापरायच्या असोत, अपॉइंटमेंटचा गजर लावायचा असो वा आपली आवडती वेबसाईट कायमची बुकमार्क करून ठेवायची असो, अनेक छोटे छोटे "ऍड ऑन' फायरफॉक्‍ससाठी उपलब्ध आहेत. आपल्या जरुरीप्रमाणे हवे ते ऍड ऑन डाऊनलोड करून वापरता येतात.

फायरफॉक्‍सशिवायचे इतर (चकटफू) पर्याय!

सध्या फायरफॉक्‍सची ३.६४ ही आवृत्ती वापरली जाते. लवकरच फायरफॉक्‍स ४.० ही नेटवर उपलब्ध होईल. फायरफॉक्‍स डाऊनलोड करण्यासाठी वेबसाईट आहे - www.mozilla.com/firefox इंटरनेट एक्‍सप्लोअररऐवजी वापरण्यासाठी फायरफॉक्‍सखेरीज गूगल क्रोम, ऍपल सफारी आणि ऑपेरा असे इतरही पर्याय आहेत. हे ब्राऊजर्सही आपल्याला चकटफू डाऊनलोड करून घेता येतील. हे ब्राऊजर्स जरूर वापरून पाहा. मग जो आपल्या "टाईप'चा वाटेल, तो नेहमी वापरण्यासाठी निवडा.

गूगल क्रोम (www.Google.com/Chrome)

ऍपल सफारी (www.apple.com/safari/download)

ऑपेरा (www.opera.com/download)

......

कॉम्प्यूटर डेटा सुरक्षित ठेवण्यासाठी काही टिप्स
आपल्या कॉम्प्यूटरमधील महत्त्वाचा डेटा सुरक्षित करून ठेवण्यासाठी आम्ही आपल्याला काही टिप्स देत आहोत. या टिप्स लक्षात ठेवा.


1. आवश्यक डेटाचा नेहमी बॅकअप ठेवावा. तो एकाच ठिकाणी न ठेवता हार्डडिस्क, सीडी, पेन ड्राइव्ह अशा वेगवेगळ्या ठिकाणी ठेवा. म्हणजे तुम्हाला उपयोगात आणणे सोपे जाईल.


2. आपल्याला आवश्यक असलेल्याच फाइल्स 'हार्डडिस्क' मध्ये ठेवा. अनावश्यक फाइल्सचा साठा करू नये. त्या डिलीट करून टाकाव्यात.


3. केव्हातरी वापरल्या जाणार्‍या फाइल्स सीडी, डीव्हीडी, पेन ड्राइव्ह किंवा एक्स्टर्नल हार्डडिस्कमध्ये टाकून ठेवा.


4. एका सीडीत 700 एमबी आणि डीव्हीडीमध्ये 4.7 एमबीपर्यंत डेटा ठेवता येतो. पेन ड्राइव्हमध्ये 8 जीबी एवढी जागा उपलब्ध असते. त्यामध्ये प्रचंड डेटा सुरक्षित ठेवता येतो.


5. तुमचा जी मेल पासवर्ड वापरून जगाच्या पाठीवर कुठेही आपण इंटरनेटच्या मदतीने 'गुगल डॉक्स' मध्ये डेटा सुरक्षित करून ठेवू शकता.


6. गुगलप्रमाणेच इतर काही वेबसाइटवर आपण आपला डेटा सुरक्षित करून ठेवू शकता.


7. आपल्या कॉम्प्यूटरवर ठेवाणार असलेल्या डेटाची विभागणी करा. त्यासाठी एक वेगळा ड्राइव्ह तयार करून त्याला नाव द्या.

वर दिलेल्या टिप्सचा उपयोग करून देखील तुमचा डेटा तांत्रिक बिघाडामुळे नॉट एक्सेसेबल झाला, तर तो रिस्टोअर तंत्राने पुन्हा मिळविता येते. मायक्रोसॉफ्टच्या 'विडोंज एक्स पी' या ऑपरेटिंग सिस्टममध्ये रिस्टोअर पॉइंटचा पर्याय उपलब्ध आहे.

...... 

जीमेल - आणखी काही करामती

जीमेल पत्त्यात डॉट (.) चा उपयोगही फार खुबीने करता येतो. म्हणजे उदाहरणार्थ समजा तुमचा ईमेल पत्ता manmohansingh@gmail.com असा आहे. तर तुम्ही काही ठिकाणी तुमचा ईमेल पत्ता man.mohansingh@gmail.com असा देऊ शकता. किंवा आणखी काही जणांना तो manmohan.singh@gmail.com असाही देऊ शकता. किंवा अगदी पुढे जाऊन ma.n.mohansingh@gmail.com असाही किंवा m.a.n.mo.hansingh@gmail.com असाही आडवा तिडवा वाकवून देऊ शकता. तुमच्या नावात कुठेही आणि कितीही वेळा डॉट टाकला तरी ती मेल तुमच्या त्याच ईमेल अकाऊंटमध्ये येऊन पडत असते. काही जण अशा डॉटयुक्त ईमेल पत्त्यांचा उपयोग इंटरनेटवर मोफत रजिस्ट्रेशनसाठी वगैरे देण्यासाठी करतात.


दुसरी करामत + ह्या चिन्हाची. ही करामत समजून घेण्यासाठी आपण पूर्वीचा arun@gmail.com ह्या पत्त्याचा उपयोग करू. समजा ह्या अरूणसाहेबांना fun-karu.com नावाच्या अविश्वासार्ह वेबसाईटवर रजिस्ट्रेशन करायचं आहे. तर ते arun+fun-karu@gmail.com असा पत्ता त्या साईटला देऊ शकतात. त्या साईटने त्या पत्त्यावर पाठवलेली मेल अरूणसाहेबांना मिळते ती arun@gmail.com ह्याच पत्त्यावर. तुम्हीही तुमच्या जीमेल पत्त्याच्या बाबतीत ह्या करामती करून पहा. अगदीच काही नाही तर टाईमपास किंवा करमणूक म्हणून हे करायला काहीच हरकत नाही.

......

लाइव्ह सीडी

इंस्टॉल न करता वापरता येणारी आणि सहज वाटप करता येण्याजोग्या साधनांवरून (सीडी, डिव्हिडी, युएसबी ड्राइव्हइ।) चालणारी नियंत्रण प्रणाली (ऑपरेटिंग सिस्टिम) म्हणजे "लाइव्ह डिस्ट्रो" किंवा (सीडीवर असेल तर) "लाइव्हसीडी" होय. लाइव्ह सीडी मध्ये संपूर्ण नि. प्र. असते. लाइव्ह सीडी संगणकात टाकून त्या सीडीवरून जर संगणक बूटकेला तर ती नि. प्र. थेट वापरता येते. पडद्यामागे ही लाइव्ह सीडी आपल्या आज्ञावल्या संगणकाच्या रॅममध्येहलवते आणि संगणकात आधीच असलेल्या माहितीला किंवा साधनांना धक्का न लावता संगणक चालवता येतोआपल्याला वाटल्यास संगणकात आधीच्याच असलेल्या माहितीत बदल करता येऊ शकतो) लाइव्ह सीडी हा प्रकारलिनक्स क्षेत्रात जास्त प्रमाणात प्रचलित आहे. लिनक्स लाइव्ह सीडी मध्ये जालजोडणी, न्याहाळक (ब्राउज़र), निरोप्या (मेसेंजर), ऑफिस आज्ञावल्या इ. इ. सर्वकाही असते.




लाइव्ह सीडीचे उपयोगः

१] नि। प्र. इंस्टॉल करण्याचे वेळखाऊ काम वाचते. जाळ्यांची जोडणी तपासणे वगैरे कामे करताना लाइव्ह सीडी चाचांगला उपयोग होतो.

२] नि। प्र. क्रॅश किंवा इतर कोणत्याही कारणाने संगणक नेहमीसारखा सुरू करता येत नसेल तर लाइव्ह सीडीतून बूटकरून डेटा दुसरीकडे हलवता येतो.

३] काही लाइव्ह डिस्ट्रो विशिष्ट उद्देशाने बनवलेले असतात. उदा. संगणक सुरक्षा क्षेत्रात काम करणार्यांसाठीत्यांना आवश्यक त्या सर्व सुविधा/साधने असलेली लाइव्ह सीडी.


लाइव्ह सीडीच्या मर्यादा :

१] संगणकाच्या रॅमचा काही भाग लाइव्ह सीडीच्या आज्ञावल्यांसाठी वापरला गेल्याने इतर आज्ञावल्यांना (ऍप्लिकेशन्स) उपलब्ध असणारी रॅम कमी असते. त्यामुळे रॅम कमी असणार्‍या संगणकांवर लाइव्ह डिस्ट्रो हळू चालेल.

२] वर उल्लेखलेल्या विशिष्ट प्रसंगात किंवा एखाद्या नव्या नि. प्र. ची चाचणी करण्यासाठी लाइव्ह सीडी वापरली जाते. अधिक कालावधीसाटी संगणक वापरताना लाइव्ह सीडी पेक्षा इंस्टॉल केलेली नि. प्र. वापरलेली चांगली.

......

डाऊनलोड मॅनेजर


इंटरनेटवर 'डाऊनलोड मॅनेजर' असा सर्च दिलात की असंख्य मॅनेजर्स मिळतील. त्यातील काही चांगल्या मॅनेजर्सची ही तोंडओळख. आपल्या सर्वांच्याच उपयोगी पडणारी...

.
आपल्याला एखादी फाइल डाऊनलोड करायची असते पण ती डाऊनलोड व्हायला इतका वेळ लागतो की वैताग येतो. प्रत्येकाकडे ब्रॉडबँड असेलच असे नाही, त्यामुळे जे काही इंटरनेट कनेक्शन असेल त्याच्याशी झटापट करावी लागते. हे डाऊनलोडिंग चालू असताना दुसरे काही काम करता येत नाही. मध्येच वीज गेली वा कम्प्युटर हँग झाला तर पुन्हा सारे डाऊनलोडिंग पहिल्यापासून करावे लागते. अशा वेळेस आपल्या मदतीला येतात वेगळ्या प्रकारचे मॅनेजर्स. त्यांना डाऊनलोड मॅनेजर म्हणतात. फार हौस असेल तर असे 'डाऊनलोड मॅनेजर्स' तुम्ही विकतही घेऊ शकता. पण फुकटातले मॅनेजर्स असतील आणि तेच काम अधिक कार्यक्षमतेने करत असतील तर? विकत घेतलेल्या मॅनेजरमध्ये थोड्या अधिक सुविधा असतात हे खरे, पण फुकट्यांत पुरेशा सोयी असतात हेही खरे.


इंटरनेटवर 'डाऊनलोड मॅनेजर' असा सर्च दिलात की असंख्य मॅनेजर्स मिळतील. त्यातील काही चांगल्या मॅनेजर्सची ही तोंडओळख. 'डाऊनलोड अॅक्सलरेटर प्लस'ची ८.६ क्रमांकाची व्हर्जन सध्या उपलब्ध आहे. कोणतेही डाऊनलोड अत्यंत वेगाने करणारा मॅनेजर म्हणून त्याला ओळखले जाते. कोणत्याही कारणाने डाऊनलोडिंग खंडित झाले तर पुन्हा आपोआप सुरू करण्याची क्षमता यात आहे. म्हणजे आधी एखाद्या फाइलचा जेवढा भाग डाऊनलोड झाला असेल त्याच्यापुढचा भाग डाऊनलोड होत राहातो. हा मॅनेजर वेगवान असला तरी अन्य साइटवर जाऊन त्याहीपेक्षा अधिक वेगाने डाऊनलोड करायचे असेल तर पर्यायी साइट सुचविण्याचेही काम केले जाते. हा फुकटात मिळत असला तरी तो अपग्रेड करण्यासाठी पैसे मोजावे लागतात. ते मोजायचे नसतील तर 'डाऊनलोड अॅक्सलरेटर मॅनेजर ३.२' डाऊनलोड करा. त्यातही 'प्लस'ची बरीच वैशिष्ट्ये आहेत.


' फ्लॅशगेट' या डाऊनलोड मॅनेजरची लोकप्रियता या अॅक्सलरेटरएवढीच आहे. त्याची व्हर्जन १.९.६ सध्या चालू आहे. तेथे वेगाने फाइल डाऊनलोड होतेच, पण डाऊनलोड झालेल्या फाइलमध्ये व्हायरस नाही ना हे पाहण्याचे काम हा मॅनेजर लगेचच करतो. म्हणजे व्हायरसयुक्त फाइल मशीनमध्ये जाऊच शकत नाही. 'फ्लॅशगेट' डाऊनलोड केल्यावर डेस्कटॉपवर उजव्या बाजूला त्याचा एक आयकॉन येतो. 'ऑबिर्ट डाऊनलोडर' हाही एक अत्यंत उपयुक्त मॅनेजर आहे. म्युझिक, व्हीडिओ, मीडिया फाइल्स वेगाने डाऊनलोड करण्याचे काम तो करतो. शिवाय इंटरनेट एक्सप्लोअरर, फायरफॉक्स, मॅक्सथॉन, ऑपेरा या सर्व ब्राऊझरमध्ये तो चांगल्या पद्धतीने काम करतो. कोणत्याही कारणाने खंडित झालेले डाऊनलोडिंग पुन्हा पुढे सुरू करण्यात त्याचा हातखंडा आहे.


याशिवाय, 'फ्री डाऊनलोड मॅनेजर (व्हर्जन २.५.७५८), 'इंटरनेट डाऊनलोड मॅनेजर' (५.१४.३), फ्रेश डाऊनलोड (८.०२) असे काही चांगले डाऊनलोड मॅनेजर आहेत. यापैकी 'इंटरनेट डाऊनलोड मॅनेजर' हा फ्लॅश व्हीडिओ, यूट्यूबवरचे व्हीडिओ, गूगल व्हीडिओ वगैरे डाऊनलोड करायला उपयोगी पडतो. प्रत्येकाने आपापल्या मशीनच्या क्षमतेनुसार आणि इंटरनेटच्या प्रकारानुसार मॅनेजर डाऊनलोड करावा. मॅनेजर कोणताही असला तरी फाइल त्यात थेट सामावल्या जातात. त्यावर डबल क्लिक करून ती फाइल ओपन करता येते वा इएक्सइ फाइल म्हणजे एखादे अॅप्लिकेशन असले तर तो प्रोग्राम थेट डाऊनलोड होणे सुरू होते. प्रोग्राम डाऊनलोड झाल्यावरही ती अॅप्लिकेशन फाइल तेथेच राहात असल्याने पुन्हा कधी काही कारणाने तो प्रोग्राम चालवायचा झाला तर बरे पडते.

मास डाऊनलोडर (व्हर्जन ३.४.७) हा उत्तम डाऊनलोडर-पैकी एक ओळखला जातो. एखादी झिप फाइल डाऊनलोड करायची असेल तर तिच्यातल्या फाइल्स पाहण्याची संधी डाऊनलोड करण्याआधी आपल्याला मिळते हे याचे वैशिष्ट्य. एका वेळेस शंभर वेगवेगळ्या फाइल्स डाऊनलोड करता येतात. म्हणून त्याला 'मास' डाऊनलोडर म्हणतात. 'गेटराइट ६.३डी' हा आणखी एक डाऊनलोडर आहे. पण तो ३० दिवस फुकटात वापरता येतो. नंतर त्याचे लायसन्स विकत घ्यावे लागते. फाइल डाऊनलोड करताना अडथळा आला अथवा इंटरनेट कनेक्शन तुटले तरी नंतर ती फाइल व्यवस्थित डाऊनलोड करता येते. हा डाऊनलोडर दिसायला साधा आहे आणि त्याची फीचर्स आपल्याला हव्या त्या पद्धतीने सेट करता येतात. तरीही केवळ ३० दिवसांसाठी तो स्वीकारावा का हा प्रश्ान् उरतोच.

......

टीप्स आणि ट्रीक्स


नदीचं मूळ आणि ऋषीचं कुळ शोधू नये म्हणतात. कारण ते कितीही शोधलं तरी मिळणार नाही. आता नदी आणि ऋषीचं कुळ यापेक्षा आपल्या संगणकातल्या फाईल्स काय वेगळ्या आहेत? हजारो प्रकारच्या dll फाईल्स. Dynamic Link Libraries म्हणजे dll. जवळ जवळ प्रत्येक प्रोग्राममध्ये dll फाईल असणारच. प्रोग्राममध्येच कशाला? एखादी dll म्हणजे चक्क व्हायरस किंवा एखादे स्पायवेअर सुद्धा असू शकते. आपला संगणक भरपूर सॉफ्टवेअरनी भरला असेल तर त्यात काही हजार dll फाईल्स असू शकतात. आता हे झालं फक्त dll फाईल्सबद्दल. इतरही हजारो प्रकारच्या फाईल्स आपल्या संगणकात वेगवेगळ्या डाऊनलोडसमधून येत-जात असतात. काही वेळा एखाद्या फाईलबद्दल आपल्याला संशय असतो. पण त्यात काही वावगं असेल वा नसेल याची खात्रीही नसते. मग प्रश्न येतो की त्या फाईलचं मूळ शोधायचं कसं. शोधायचं कुठे?

मी अशा वेळी File Adviser ची मदत घेतो. ज्या फाईलचं मूळ शोधायचं असेल त्या फाईलच्या नावावर 'विंडोज एक्स्प्लोअरर' मध्ये मी राईट क्लीक करतो. राईट क्लीक केल्यावर येणार्‍या ड्रॉप डाऊन मेनूमध्ये मला File Advisor हे शब्द दिसतात. त्यावर मी क्लीक करतो. खालील चित्रात मी कुठे क्लीक करतो हे दिसेल.


समजा Windows फोल्डरमधील sprof32.dll ह्या फाईलचं मूळ मला शोधायचं आहे. मी त्यासाठी खाली दाखवल्याप्रमाणे sprof32.dll ह्या फाईलवर राईट क्लीक करतो.

वर दाखवल्याप्रमाणे राईट क्लीक करताच माझ्यापुढे www.fileadviser.com ही साईट उघडते आणि मला sprof32.dll ह्या फाईलबदद्लची माहिती देते. कशी ती खालील चित्रात पहा-

मला लॉगिन करायला सांगितले जाते. माझ्याकडे Login Name आणि Password आहे. कारण www.fileadviser.com वर मी रजिस्टर केलेले आहे. मी लॉगिन करतो. मग माझ्यासमोर त्या फाईलची अधिक माहिती येते.

वरील माहिती मला हे जाणण्यासाठी पुरेशी असते की ही फाईल sprof32.dll म्हणजे व्हायरस नव्हे.

File Adviser कोणती माहिती देतो याबद्दल www.fileadviser.com काय म्हणतो ते खाली पहाः


What is FileAdviser?


Bit9 FileAdviser is a comprehensive catalog of executables, drivers, and patches found in commercial Windows® applications and software packages. Malware and other unwanted software that affects Windows computers is also indexed. As the largest and the most accurate database of its kind, FileAdviser enables you to submit a file name or hash and get the following information:


* Original name and size of the file

* Publisher that created the file

* Products in which the file appears

* Sources of distribution

* Likelihood that the file poses a threat

* And more!


Discover what the unknown files on your computer actually are.


टीपः ही क्लृप्ती तुमच्या राईट क्लीक मध्ये येण्यासाठी तुम्हाला www.fileadviser.com वर जावं लागेल. तेथून FileAdvisor Desktop Utility डाऊनलोड करून घ्यावी लागेल. ती तुमच्या संगणकावर इन्स्टॉल करावी लागेल. त्यानंतर मग ही सुविधा तुम्ही वापरू शकाल.

......

फायरवॉल!


तुमचा कम्प्युटर आणि बाहेरचे जग यांच्यात एक भिंत असतेच. तिला म्हणतात 'फायरवॉल'. ही भिंत सर्वात महत्त्वाची असते. कुठे असते ही फायरवॉल?


तुमचा कम्प्युटर अगदी शहाण्या मुलासारखा नीट चालला आहे, तरी त्यात काहीतरी गडबड आहे असे म्हटले तर हा विरोधाभास वाटेल. परंतु, वरवर हे मशीन चांगले चालत असल्याचे वाटले तरी प्रत्यक्षात अत्यंत असुरक्षित असू शकते. गेल्या काही महिन्यांत भारतात झालेल्या दहशतवादी हल्ल्यांआधी जो ई-मेल पाठविण्यात आला तो वायफाय तंत्रज्ञान वापरताना झालेल्या मानवी उणिवा शोधून पाठविण्यात आला होता. ही उणीव म्हणजे आपला लॅपटॉप पूर्णपणे सुरक्षित आहे व तो बाहेरून कोणी अॅक्सेस करू शकत नाही याची खात्री संबंधितांनी केली नव्हती. ही खरी गंमतच आहे. आपल्याला इंटरनेटद्वारे सारे जग आपल्याजवळ आणायचे आहे. ब्रॉडबँड घरी असले तर मग अधिक वेगाने हे जग जवळ येऊ शकते. त्याच वेळेला, आपल्या कम्प्युटरमध्ये काय दडलेय ते बाहेरच्यांना कळता कामा नये, अशा प्रकारचा अट्टाहास आपण धरायचा. हा प्रकार एकतफीर् वाटला तरी सध्याच्या परिस्थितीत तो फारच महत्त्वाचा आहे.




तुमच्या कम्प्युटरमध्ये अशी सोय हवी की बाहेरचे जग आपल्या मजीर्प्रमाणे पाहता येईल, पण आपल्या कम्प्युटरमध्ये काय आहे ते अन्य जगाला पाहता येणार नाही. म्हणजेच तुमचा कम्प्युटर आणि बाहेरचे जग यांच्यात एक भिंत उभी करावी लागेल. प्रत्येक कम्प्युटरमध्ये अशी भिंत असतेच. तिला म्हणतात 'फायरवॉल'. ही भिंत सर्वात महत्त्वाची असते.


कोणत्याही कम्प्युटरमधली फायरवॉल 'ऑन' असली पाहिजे. याचा अर्थ बाहेरून येणारी प्रत्येक फाइल तपासून ती सुरक्षित असेल तरच तिला कम्प्युटरमध्ये प्रवेश मिळाला पाहिजे. हेच काम तुमचा अँटिव्हायरस व अँटिस्पायवेअर करतो; मग फायरवॉलची गरज काय, असा प्रश्न येईल. पण प्रत्येक वेळेस व्हायरस वा स्पायवेअरच मशीनमध्ये शिरेल असे नाही. तुमचे मशीन कोणी 'हॅक' केले म्हणजेच मशीनचा बाहेरून अॅक्सेस घेऊन मशीनवर ताबा मिळविला तर तुमची सगळी गोपनीय माहिती बाहेरच्या माणसाला मिळू शकते. तुम्ही बँक अकाऊंटवर लॉगिन करून काही व्यवहार केलेत तर ते हॅकरला कळू शकतील. म्हणून फायरवॉल नेहमी ऑन असायला हवी. कुठे असते ही फायरवॉल?


त्यासाठी 'स्टार्ट' बटनवर क्लिक करा, नंतर 'कंट्रोल पॅनेल'वर जा. तिथे 'विंडोज फायरवॉल' दिसेल. त्यावर क्लिक करा. आता तीन ऑप्शनचे टॅब दिसतील. जनरल, एक्सेप्शन्स आणि अॅडव्हान्स्ड. पहिल्याच टॅबमध्ये फायरवॉल ऑन ठेवण्याच्या सूचना असतील. (ऑन - रिकमेंडेड). त्यावर क्लिक करा. खाली 'डोंट अलाऊ एक्सेप्शन्स' याच्यावरही क्लिक करा. तिसरे ऑप्शन असेल ते 'ऑफ - नॉट रिकमेंडेड' असे असेल. ती आज्ञा निमूटपणे पाळा व त्यावर क्लिक करू नका. तीन टॅबपैकी बाकी दोन टॅबना शक्यतो हात लावू नका; कारण ती सेटिंग्ज जाणकाराकडूनच ओके करून घ्यायला हवीत. पण या एक्सेप्शन्सचा अर्थ असा की फायरवॉलला न जुमानता कोणत्या सुविधा इंटरनेटवर मिळत राहाव्यात त्याची यादी इथे दिलेली असते. त्यातील काय हवेनको पाहून त्यावर क्लिकअनक्लिक करू शकता.


अर्थात ही फायरवॉल ऑन केली की कम्प्युटरला काहीही धोका नाही असे समजण्याचे कारण नाही. कारण काही व्हायरस वा स्पायवेअर वेगवेगळ्या वेषात तुमच्या कम्प्युटरमध्ये शिरायचा प्रयत्न करतच असतात. म्हणजे अँटिव्हायरस सॉफ्टवेअर मजबूत हवेच. मशीनचे स्कॅनिंग आठवड्यातून एकदा तरी पूर्ण झाले पाहिजे. म्हणजेच केवळ फायरवॉल ऑन असून चालत नाही. अन्य सॉफ्टवेअरचीही मदत घ्यावी लागते. म्हणूनच इंटरनेटवरून फायरवॉल डाऊनलोड करून घेता येतात. काही लोकप्रिय फायरवॉलची यादी इथे देत आहे. त्यातील कोणतीही डाऊनलोड करू शकता. झोनअलार्म ( zonealarm याची बेसिक व्हर्जन फुकटात मिळेल, पण अधिक सुरक्षा हवी असेल तर अंदाजे १६०० ते २५०० रुपये दर वर्षाला मोजावे लागतील.) Comodo, Agnitum, PCtools, Ashampoo यापैकी कोणतीही फायरवॉल मशीनमध्ये आल्यावर मूळ फायरवॉलचे सेटिंग काय राहील हे पाहावे लागेल. ती ऑनच राहायला हवी. प्रत्येकाची सेटिंग्ज वेगवेगळी असतात. ती एकदा जाणून घेतलीत की मग तुम्ही निर्धास्त राहायला मोकळे! कारण शेवटी डबल प्रोटेक्शन केव्हाही चांगलेच. काही वेळेला एखादा प्रोग्राम डाऊनलोड केलेला असतो. पण तो चालत नाही. अशावेळी वेड लागायची पाळी येते. प्रोग्राममध्ये कोणताही व्हायरस नाही, तो अधिकृत ठिकाणाहून तो डाऊनलोड केलेला आहे, कम्प्युटरच्या सेटिंगमध्ये गडबड नाही तरी प्रोग्राम चालत नाही. अशा वेळी तुमच्या अँटिव्हायरसने अथवा फायरवॉलने तो प्रोग्राम ब्लॉक केलेला असू शकतो. हा अनुभव मी घेतला आहे. मी जरी फायरफॉक्स ब्राऊझर वापरत असलो तरी इंटरनेट एक्स्प्लोरर मायक्रोसॉफ्ट अपडेटसाठी वापरावे लागते. हा आयई सुरूच होईना. एकदा अनइन्स्टॉल करून पुन्हा इन्स्टॉल केला, तरीही काही उपयोग नाही. मग अँटिव्हायरसचे सेटिंग तपासले तेव्हा हा प्रोग्राम ब्लॉक केलेला आढळला. तो अनब्लॉक केला आणि आयई पुन्हा सुरू झाला. अशीच अवस्था तुमची झाली, तर अँटिव्हायरस आणि फायरवॉल दोन्ही तपासून पाहायला विसरू नका.


या फायरवॉल कशा अस्तित्वात आल्या, त्याच्याआधी काय सुविधा होत्या, त्याचे रूपांतर आजच्या सुरक्षाकवचात कसे झाले याची झलक वाचायची असेल तर पुढील लिंकवर जा : http://en.wikipedia.org/wiki/Firewall

......

तुमच्या पर्सनॅलिटीचा आरसा:रिझ्युम 
रिझ्युम आणि सीव्ही... यात नेमका फरक काय? याचं उत्तर कित्येकांना ठाऊक नसतं. साहजिकच नोकरीच्या अॅप्लिकेशनसाठी रिझ्युम चा टाइप कोणता असावा, इ-मेल आयडी कसा द्यावा, याचेही काही फण्डे असतील, हे कुणाच्या ध्यानातच येत नाही. रिझ्युम हा तुमच्या पर्सनॅलिटीचा आरसा...तो कसा चकचकीत असावा, याचं हे इंगित


जमाना खरोखरच बदललाय. काही वर्षांपूर्वी कुणी नोकरीसाठी केलेला अॅप्लिकेशन किंवा रिझ्युम तुमच्याकडे असेल तर, त्याकडे एक नजर टाका. काय जाणवतं? या अर्जावर या व्यक्तीला नोकरी मिळालीच कशी, असा प्रश्न उभा राहील. आता एखाद्या नवख्या 'अर्जदारा'च्या रिझ्युम वर नजर टाका. तुम्हाला पहिल्या वाक्यापासून अनेक चुका किंवा त्रुटी आढळतील.

आता एक करा. तुम्ही अनुभवाने चांगला रिझ्युम ड्राफ्ट करताय, असा तुमचा समज असेल तर, तुम्ही तयार केलेला रिझ्युम रिक्रूटमेंट क्षेत्राशी संबंधित अनुभवी व्यक्तीला दाखवा. तुमचा समज खोटा ठरेल, इतक्या चुका आणि त्रुटी त्यात निघतील...

तात्पर्य: बदलत्या जगाचं प्रतिनिधित्व करणारी जनरेशन नेक्स्ट किंवा जगातील घडामोडींचे साक्षीदारही अजून सफाईदार आणि अचूक रिझ्युम ड्राफ्ट करू शकत नाहीत.

' Resume ' किंवा ' Curriculum vitae ' (सीव्ही) यामध्ये विभाजनाची पुसटशी रेषा आहे, हे किती जणांना ठाऊक आहे? कोऱ्या कागदांवर काही जणांचा रिझ्युम लिहिण्याचा आग्रह असतो तर, काही जणांना सीव्ही लिहिणं अधिक भावतं. पण त्यांचा अलिखित नियम समजावून न घेतल्यास पहिल्याच पायरीवर ठेचकाळण्याची शक्यता अधिक असते. तुमचं शिक्षण, अनुभव, अवगत तंत्र आणि यशाची किमान शब्दांत मांडणी म्हणजे रिझ्युम . रिझ्युम दोन पानांहून अधिक विस्तृत असू नये, असा संकेत आहे. भरगच्च आणि लांबलचक रिझ्युम लिहिण्याचा प्रयत्न नेहमी एम्प्लॉयरसाठी रटाळ किंवा दुर्लक्षित राहू शकतो. कंपनीच्या जॉबसाठी तुमच्याकडे शैक्षणिक पात्रता, अनुभव आणि आवश्यक तंत्र आहे काय, इतकंच तुमच्या रिझ्युम मधून दिसायला हवे. सीव्ही म्हणजे तुमच्या पात्रतेची विस्तृत व्याख्या. खरं तर, तुमच्याच कंपनीमध्ये दुस - या पदासाठी तुम्ही जेव्हा अर्ज करता, तेव्हा कार्यालयीन अनुभवाची माहिती देण्यासाठी सीव्ही लिहिला जातो.
 

रिझ्युम किंवा सीव्ही टाईप करण्यासाठी तयारी आवश्यक आहे. प्रथम एका साध्या कागदावर स्वत:ला जोखा. तुमची कार्यक्षमता दर्शवणारे मुद्दे लिहून काढा. इतरांपेक्षा तुम्ही वेगळे कसे आहात, हे तुमच्या रिझ्युम वर दिसायला हवं. जो अनुभव किंवा शैक्षणिक पात्रता अर्ज करणाऱ्या प्रत्येक उमेदवाराकडे असेल ते मुद्दे विस्तृतपणे लिहिणं टाळा. विशेष म्हणजे रिझ्युम मध्ये अनेक छोट्या चुका राहतात. रिझ्युम म्हणजे तुमच्या पर्सनॅलिटीचा आणि तुमच्या एफिशियन्सीचा आरसाच. त्यामुळे या चुकांचा डाग त्या आरशावर नको. रिझ्युम उठावदार आणि बिनचूक होण्यासाठीच काही अतिशय सामान्य पण तितकेच लक्षणीय नियम नेहमी लक्षात ठेवा.


- कागद स्वच्छ आणि पांढराच असावा. एकाच बाजूला मजकूर टाइप करावा.


- १२ ते १४ पॉइण्टमध्ये मजकूर टाइप करा. साधा-सरळ टाइप वापरावा. डेकोरेटिव्ह टाइप टाळा. मजकुराचा संपूर्ण टाइप एकच ठेवा.


- टाइप इटालिक, अंडरलाइन करण्याचा अट्टाहास टाळा. पानावर उभ्या-आडव्या रेषा आखू नका. बुलेटही अत्यावश्यक ठिकाणीच वापरा.


... या सूचना खरं तर साध्या पण तरीही काटेकोरपणे लक्षात ठेवायलाच हव्या. कारण त्यावरूनच तुमच्या परफेक्शनची खात्री पटते. स्पेलिंग, पंक्चुएशन आणि व्याकरण तपासून पाहा. खात्री नसेल तर डिक्शनरीची मदत घ्या. याबरोबरच आणखी काही मुद्दे लक्षात ठेवा.

 नेहमी पूर्ण नाव लिहा. टोपण नाव हे केवळ घरात किंवा मित्रांमध्ये वापरलं जातं, हे ध्यानात ठेवा.


- कायमस्वरुपी पत्ता, टेलिफोन, ई मेल आयडी आणि पिन कोड लिहिण्यास विसरू नका.


- तुमचा ई मेल प्रोफेशनल असावा आणि नसेल तर, जॉब सर्चसाठी तसा ई मेल आयडी तयार करा.


जर घरच्या टेलिफोनला किंवा मोबाइलला आन्सरिंग मशीन असेल तर, त्यावरील रेकॉर्ड केलेलं संभाषण सभ्य असू द्या.


- नोकरीचा अनुभव नेहमी उलट्या क्रमाने लिहावा. म्हणजेच सर्वात ताजा अनुभव प्रथम लिहा.


- शिक्षणाविषयी लिहितानाही हाच क्रम कसोशीने पाळा.


- जी शॉर्ट फॉर्म प्रसिद्ध किंवा सर्वमान्य नसतील ती टाळा. उदा. बीपीएल, एलजी यांसारखी लघुरुपं समजता येणारी आहेत. पण दिल्ली पब्लिक स्कूलला डीपीएस असा शॉर्ट फॉर्म करू नका.


- कामाचा विस्तृत अनुभव मांडा. ज्या जॉबसाठी तुम्ही अर्ज करत आहात त्याच्याशी संबंधित नसलेला पूवीर्च्या कामाचा अनुभवही लिहा.


- तुमचं शिक्षण अथवा अनुभव जसा वाढत जाईल तसा तुमचा रिझ्युम अपडेट करायला विसरू नका.


- रिझ्युम मध्ये कंपनीनुसार बदल व्हायला हवा. नवं पद, नव्या कंपनीनुसार परफेक्ट रिझ्युम लिहिणं, हे आव्हान तुम्हाला स्वीकारावंच लागेल.


... आणि रिझ्युम बाहेरील पण तरीही आवश्यक नियम म्हणजे 'बी पॉझिटिव्ह'. तुमच्या रिझ्युम मधूनही तुम्ही या पदासाठी सर्वात योग्य आहात, हे दिसायलाच हवं.

...... 

वाय-फाय म्हणजे काय?

कम्प्युटरसाठी वापरल्या जाणाऱ्या वायरलेस नेटवर्क कनेक्टिव्हीटीला वाय-फाय म्हणतात. वायरच्या वापर टाळून कम्प्युटर नेटवर्क करण्यासाठी वाय-फाय सिस्टमचा वापर केला जातो. सीडीएमए, जीएसएम, ब्लू टूथ प्रमाणेच ८०२.११ हे एक वायरलेस प्रोटोकॉल सिस्टम आहे त्यालाच वाय-फाय म्हटले जातेे. ही सर्वात सोप्पी आणि स्वस्त कम्युनिकेशन सिस्टम असल्यामुळे याचा वापर जगभर मोठ्या प्रमाणात होतो. कम्प्युटर नेटवकीर्ंगसाठी सर्वच ठिकाणी वायरचा वापर करणे शक्य होत नाही अशा ठिकाणी कम्प्युटर, लॅपटॉप अथवा मोबाइल वाय-फाय राऊटर बसवून त्याद्वारे एका कम्प्युटरशी दुसऱ्या कम्प्युटरचे नेटवकिर्ंग शक्य होते. पण ज्या कम्प्युटरला अशी कनेक्टिव्हीटी आहे तेथेच या सेवेचा वापर करता येऊ शकतो.


वाय-फायचे फायदे:


कम्युनिकेशन, डेटा शेअरिंग यासाठी वाय फायचा मोठ्या प्रमणात वापर केला जातो. शिवाय हे तंत्रज्ञान वायरलेस आहे हाच त्याचा सर्वात मोठा फायदा आहे. युरोप आणि अमेरिकेत छोट्या गावांमध्येही या सिस्टमचा संवादासाठी मोठ्या प्रमाणात वापर सुरू आहे. एका वाय फाय सिस्टमद्वारे ५० मीटरपासून ते अगदी १२० किमी अंतरापर्यंतचे नेटवकिर्ंग करता येऊ शकते. इंटरनेट जागृतीमध्ये वाय-फायचा मोठा उपयोग होऊ शकतो असे इंटरनेट तज्ज्ञांचे म्हणणे आहे. नैसगिर्क आपत्तींमध्ये वायरने केल्या जाणाऱ्या नेटवर्कला धोका उद्भवतो. पण वाय-फाय नेटवकिर्ंग हे पूर्णत: वायरलेस असल्यामुळे अशा आपत्तींच्यावेळी उलट या सिस्टमचा मदतकार्य किंवा संवादासाठी मोठ्या प्रमाणात उपयोग होऊ शकतो. पण त्यासाठी अनेकांकडे वाय-फाय कनेक्टिव्ही असायला हवी.


वाय-फायचे तोटे:
इन्स्टिट्यूट ऑफ इलेक्ट्रिकल अॅण्ड इलेक्ट्रॉनिक्स इंजिनिअरिंगने नेटवकिर्र्ंगसाठी काही नियम बनवले आहेत. वाय-फायची सोय उपलब्ध करुन देणाऱ्यांनी ते नियम पाळणे आवश्यक असते. असे असले तरी वाय-फायची सुरक्षा भेदणे शक्य आहे. कारण हे तंत्रज्ञान वायरलेस आहे त्यामुळे वायफाय नेटवर्क हॅकर्सना डिटेक्ट करणे सोपे जाते. याचाच गोष्टीचा फायदा घेऊन अतिरेक्यांकडून वाय-फाय हॅकिंग केल्याचे प्रकार समोर आले होते.


वाय-फाय हॅकिंगपासून कसे सावध कसे राहाल?
* नेटवकिर्ंगमधील एसएफआयडी (सव्हीर्स फेट आयडेण्टीफाय) ब्रॉडकास्ट थांबवणे हा एक चांगला पर्याय आहे. यामुळे एखाद्या हॅकरला वाय-फायचा प्रेझेन्स डिटेक्ट करणे कठीण जाईल. * प्रत्येक नेटवकिर्ंगला एक आयडी दिलेला असतो त्याला मॅक (मिडिया अॅक्सेस कंट्रोल) अॅड्रेस म्हणतो ती सेटिंग अॅक्टिव्ह केल्यास हॅकर्सना नेटवकिर्ंगमध्ये प्रवेश करणे कठीण होते.


* डब्ल्यूईपी (वायर इक्व्हीव्हॅलण्ट प्रायव्हसी) हे सेटिंग सुरू केल्यास नेटवकिर्ंगमध्ये असलेल्या व्यक्ती व्यतिरिक्त तिसऱ्या कोणालाही या नेटवकिर्ंगमध्ये प्रवेश करणे कठीण होते.


* नेटवकिर्ंगला अवघड पासवर्ड ठेवणे अथवा पासवर्ड ठराविक काळानंतर बदलत राहाणे हा देखील एक चांगला पर्याय आहे अशी माहिती इंटरनेट तज्ज्ञ महेश फाटक यांनी दिली.

......

ऑनलाइन शॉपिंग फण्डा

ट्रॉली घेऊन मॉलमध्ये किंवा मोठमोठ्या पिशव्या घेऊन बाजारात शॉपिंग करण्यात काही वेगळीच मजाअसते. पण आज २४ बाय ७लाइफस्टाइलमधे प्रत्येकाला ते शक्यनाही. त्यामुळे ऑफिसच्या लंचटाइममध्ये किंवा संध्याकाळी घरीइण्टरनेटवर शॉपिंग करणाऱ्यांचीसंख्या झपाट्याने वाढतेय. क्रेडिटकार्डचा वापर करून होणाऱ्या याशॉपिंगमधे फसवणूक होण्याचीशक्यता असते. ही फसवणूक टाळूनसिक्युअर ऑनलाइन शॉपिंगचे फण्डेसांगणा - या आजच्या टेकट्रिक्स...


* सर्वात महत्त्वाचं म्हणजे तुमचा पासवर्ड कोणाशीच शेअर करू नका. आपण आपल्या जवळच्या माणसाला पासवर्ड शेअर करतो, पण त्या वेळी इतर कोणी तो ऐकला तर गोंधळ होऊ शकतो. पासवर्ड हा शक्यतो शब्द आणि अंक यांचं कॉम्बिनेशन असू द्या. आपण बऱ्याचदा एखादं नाव वगैरे पासवर्ड ठेवतो. असा पासवर्ड की-बोर्डवरील ऑपरेटिंगवरून ओळखणं शक्य होतं. म्हणूनच गुंतागुंतीचा पासवर्ड लक्षात ठेवायला अवघड असला तरी सुरक्षित ठरतो.


* शक्यतो आपली वैयक्तिक माहितीकोणत्याही साइटवर देऊ नका. जिथेती द्यावीच लागेल, त्या साइटची सिक्युरिटी आणि विश्वासार्हता तपासून घ्या. बऱ्याच ऑनलाइन शॉपिंग साइट आता द्धह्लह्लश्चह्य तंत्र वापरतात. यातील शेवटच्या 'एस'चा अर्थ सिक्युअर असा असतो. तुम्ही जी वैयक्तिक माहिती देता, तिचा ती साइट गैरवापर करणार नाही याची काळजी घ्या. म्हणूनच जेवढी बंधनकारक आहे, तेवढीच माहिती द्या.


* आपल्याला बऱ्याचदा ऑनलाइन शॉपिंगसंदर्भात इमेल येत असतात. या इमेलमधे काहीतरी स्कीम्सची लालूच दाखवून एखादा फॉर्म भरून मागितला जातो. शक्यतो अशा इमेलना रिस्पॉन्स देऊ नका. समजा आवश्यक असेल, तरी वैयक्तिक माहिती देणं टाळा.


* ऑनलाइन शॉपिंग करताना तुमचा अॅण्टिव्हायरस, अॅण्टिस्पायवेअर, फायरवॉल इत्यादी सुरक्षाव्यवस्था अपडेट आहेत, याची काळजी घ्या.


* ऑनलाइनवर केलेल्या व्यवहारांची नोंद ठेवा. या संदर्भात येणारी पत्रं, पावत्या, ई-मेल जपून ठेवा.


* शक्य असल्यास ऑनलाइन शॉपिंगसाठी एक स्वतंत्र इमेल अकाऊण्ट ओपन करा. म्हणजे ते तुमच्या ऑनलाइन शॉपिंगचं पासबूक बनेल. तसंच इतर ई-मेलमधे हे मेल मिक्स होऊन गोंधळ होणार नाही.


* बँकेची कार्डस्, अकाऊण्ट्स कायम चेक करत राहा. विशेषत: जर तुम्ही नियमित ऑनलाइन शॉपिंग करत असाल, तर हे चेकिंग मस्ट आहे. तुमच्या अकाऊण्टचा कोणी गैरवापर करत नाही ना, याची कायम काळजी घ्या. जर अशा काही संशयास्पद ट्रान्झॅक्शन आढळल्या, तर आधी बँकेला आणि मग पोलिसांना कळवा.


* ज्या साइटना मान्यता आहे त्याच साइटवरून ऑनलाइन शॉपिंग करा. अत्यंत नवख्या आणि संशयास्पद साइटवरून शॉपिंग करणं टाळा. शक्यतो ज्या कंपन्यांचं कार्यालय आपल्या शहरात आहे किंवा जिथे जाणं शक्य आहे त्याच साइटवरून खरेदी करा. मुंबईत बसून दुबईतील साइटवरून शॉपिंग करू नका, तक्रार करणं अवघड होऊन बसतं.


* प्रत्येक साइटची एक प्रायव्हसी पॉलिसी असते. आपण बऱ्याचदा ती वाचणं टाळतो. पण त्यात कदाचित एखाद्या नियमांमधे गोची असू शकते. त्यामुळे शक्य असल्यास आपण ज्या साइटवरून नियमित खरेदी करणार आहोत, त्या साइटची प्रायव्हसी पॉलिसी वाचून घ्या.


* नाव सारख्या असणाऱ्या ड्युप्लिकेट साइटपासून दूर राहा. बऱ्याचदा प्रतिष्ठित कंपनीच्या नावापुढे किंवा मागे काहीतरी लावून डुप्लिकेट साइट केली जाते. त्यामुळे आपण जिथून खरेदी करतो आहोत, ती साइट अधिकृत आहे ना, याची खात्री करून घ्या.


* एवढ्या साऱ्या सूचना असल्या तरी ऑनलाइन शॉपिंग म्हणजे कटकट आहे, म्हणून त्यापासून लांब राहू नका. शेवटी ही हायटेक इन थिंग आहे. ती आपल्याला शिकून घ्यावी लागेलच. 

......

तुमचे ट्विट्स चित्ररूपात दाखवा.

आपण दिवसभरात अनेक सुविचार वाचत असतो. एकमेकांनाही पाठवत असतो. पण एखादा सुविचार किंवा एखादं मजेशीर वाक्यं जर चित्ररूपाने पहायला / वाचायला मिळाले तर ? आज जालावर फिरताना एक संकेतस्थळ सापडले. ज्यात तुम्ही असे सु्विचार किंवा मजेशीर वाक्य, तुम्ही वाचत असलेले ट्विट्स अश्या गोष्टी तुम्ही चित्ररूपाने एकमेकांना पाठवू शकता.


तुम्हाला या संकेतस्थळावर जाऊन फक्त तुम्हाला हवे असलेले वाक्य दिलेल्या रकान्यात टंकायचे किंवा चिकटवायचे आहे. त्यातल्या मजकूराच्या संदर्भाने तुम्हाला काही चित्र आणि त्यावर लिहिलेला तुमचा संदेश समोर पडद्यावर दिसतील. त्यातला आवडेल ते चित्र तुम्ही ट्विटरद्वारे इतरांना पाठवू शकता. समजा तुम्ही ट्विटर वापरत नसाल…तरीही काही हरकत नाही. तुम्ही आवडलेल्या चित्रावर उजवी टिचकी देऊन ते चित्र तुमच्या संगणकावर उतरवून घेऊ शकता. याच पद्धतीचा अवलंब करून मी तयार केलेले हे काही सुविचार खाली चलतचित्रात देत आहे. दुर्दैवाने यात देवनागरीचा वापर करता येत नाहिये.


इतकचं नाही तर तुम्ही एखाद्या व्यक्तिचे ट्विट्सही या पद्धतीने मिळवू शकता. आहे की नाही गंमत ? ही सुविधा कशी वाटली ते कळवायला मात्र विसरू नका.